1/3 e fermerëve nuk e morën naftën falas – Braçe e Tabaku: Qeveria shpërdoroi buxhetin, theu çdo disiplinë fiskale

Deputetë të opozitës dhe mazhorancës kanë akuzuar qeverinë për thyerje të disiplinës fiskale dhe shpërdorim të buxhetit, ku u dha shpërblim fundviti për disa kategori, ndërkohë që fermerët e paguan me 240 lekë çmimin e naftës për mbjelljen e grurit,  pasi nuk u akorduan fonde.  Sipas tyre , tashmë qeveria e ka bërë rregull që vepron me akte normative dhe nuk merr në konsideratë kërkesat e deputetëve, duke i anashkaluar ata. Shqetësimet u ngritën gjatë diskutimeve në Komisionin e Ekonomisë dhe Financave të aktit të fundit normativ të qeverisë, me të cilin u akomoduan shpërblimet e fundvitit.

“Ju kam kërkuar 1/12 e asaj qe do mbetej. Sot 1/3 e bujqve nuk e morën naftën falas dhe kane paguar 2400 leke  per litër. Kur ne kemi ende para pa përdorur dhe harxhuam per nje muaj 146 mld leke, kam kërkuar vetëm 1 miliarde per naftën dhe deficitet per bujqit. Te paguhen te gjithë punonjësit dhe ata prodhojnë ushqim nuk e pranoj dot. Per shpirt nuk e votoj. Ua thash ne shtator qe s’do i realizoni dot shpenzimet. Dhe pikërisht qe do ndodhte kjo erdhi dhe ky akt. Por per çfarë duhet te vije deputeti ne parlament kur se dëgjon askush. Pse nuk programon ti çosh atje ku programohen para. Kemi problem ne programim dhe mos zbatim te buxhetit”, u shpreh Erion Braçe, Deputet i PS.

“Buxheti i shtetit a pasur gjithë kohen per te akomoduar këto ndryshime, pse duhet te jepet si meshire. 50 per qind e shpenzimeve te vitit kryhet ne muajin dhjetor. Pse se miratoni tani paketën per pensionistet? pse e lidhni me zgjedhjet? Përjashtimi nga rregulli, po behet rregull?”, u shpreh Jorida Tabaku, Deputete e PD.

Përgjatë vitit të kaluar qeveria e ka ndryshuar disa herë buxhetin përmes akteve normative. Dhe akti i fundit i cili u cilësuar si pakoja e madhe për shtresat në nevojë dhe punonjësit e administratës u ndërmor më datën 29 Dhjetor, për shkak edhe të mos realizimit të fondeve buxhetore.

Elisabeta Disku / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.