1 mld USD për energjinë e rinovueshme rurale – Bizneset e vogla rurale dhe fermerët në SHBA do të përfitojnë nga ky fond

Bizneset e vogla rurale dhe fermerët në SHBA do të kenë të drejtë të aplikojnë për 1 miliard dollarë grante që të investojnë në energjinë e pastër, njoftoi Departamenti i Bujqësisë dhe Shtëpia e Bardhë.

Paratë, të financuara nga Akti i Reduktimit të Inflacionit (IRA), do të shpërndahen përmes Programit të Energjisë Rurale për Amerikën (REAP) të USDA dhe synojnë të çojnë më tej përpjekjet e administratës Biden për të ulur emetimet që dëmtojnë klimën në të gjithë ekonominë amerikane.

Paratë e grantit mund të përdoren për instalimin e sistemeve të energjisë së rinovueshme, siç janë panelet diellore, turbinat e erës, ose projektet e biomasës si tretës anaerobe që përpunojnë plehun e kafshëve për të gjeneruar lëndë djegëse të rinovueshme si biogazi, ose për të bërë përmirësime efikase në sistemet aktuale të energjisë.

USDA do të financojë 20% të fondeve për të kërkesat deri në 20,000 dollarë. Projektet e financuara do të krijojnë vende pune, do të reduktojnë emetimet dhe do të përmirësojnë qëndrueshmërinë rurale përballë një klime në ndryshim, thanë zyrtarët e Departamentit të Bujqësisë

Nga Akti i Reduktimit të Inflacionit janë dhënë më shumë se 2 miliardë dollarë për Programin e Energjisë Rurale, fond me të cilin administrata parashikon të financojë projekte për 41,500 ferma dhe biznese të vogla.

Dorina Kurtaj/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.