100 mijë dollarë në vit janë pak për amerikanët – Në varësi të vendit ku jetojnë dhe taksave për t’u paguar 

Për shumë amerikanë, një pagë vjetore prej 100 mijë dollarësh duket si një simbol i suksesit, por është relative dhe gjithçka varet nga vendi ku jetojnë.

Për shembull, në Nju Jork, kjo shumë, pas zbritjes së taksave dhe faturave të shtrenjta të jetesës, reduktohet në 36 mijë dollarë, sipas llogaritjeve të raportuara nga Bloomberg.

Kjo e fundit ka publikuar të dhëna nga 76 qytetet më të mëdha në SHBA, për të parë se ku kanë ‘teprojnë’ më shumë para nga 100 mijë dollarët imagjinarë dhe analiza është bërë nga ‘Smart Asset’, një ofrues informacioni financiar.

Ndër 10 qytetet më të shtrenjta janë, përveç Nju Jork, San Francisko, Uashington, Los Anxhelos, Boston dhe Seattle.

Nga 100 mijë dollarë, teprojnë më shumë për ata që jetojnë më Memphis apo Tennessee: rreth 86.444 dollarë pas pagesës së taksave dhe faturave.

Në artikull theksohet se nuk ekzison një përgjigje e vetme për atë se sa para duhen fituar për të jetuar të qetë, por një rregull i përdorur shpesh në buxhetim është rregulli 50/30/20 – i cili kërkon që gjysma e të ardhurave tuaja të shkojnë për nevojat, 20% në kursime dhe investime, dhe 30% për argëtim.

Për shumicën e amerikanëve, kjo është një qasje mjaft e arsyeshme për të përcaktuar një pagë jetese, por shumë banorë që jetojnë në qytetet më të mëdha të Amerikës theksojnë se gjysma e të ardhurave të tyre nuk mbulojnë as qiranë.

Me rrogën mesatare në shumicën e qyteteve të listuara të SHBA-së që bie dukshëm më pak nga ajo që nevojitet për të jetuar rehat atje, studimi bën të qartë se shumë qytetarë amerikanë ndoshta duhet të kursejnë diku tjetër për të përballuar jetesën në qytetin e tyre.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.