350 milionë euro për përballimin e krizës – Qeveria e Maqedonisë së Veriut miraton paketën financiare për qytetarët dhe bizneset

Qeveria e Maqedonisë së Veriut ka miratuar një sërë masash të reja për përballimin e krizës energjetike dhe të çmimeve, në vlerë mbi 350 milionë euro.

Sipas kryeministrit, Dimitar Kovaçevski, kjo paketë financiare që është një mbështetje totale për tejkalimin më të lehtë të krizës deri tani e çon shumën totale në 750 milionë euro. Sipas tij, mbrojtja e standardit të jetesës së qytetarëve, mbetet prioritet.

“Po e menaxhojmë mirë buxhetin dhe ua kthejmë paratë qytetarëve, veçanërisht kategorive më të rrezikuara. Kemi bërë konsultime të thella me ekspertë, punëdhënës, oda ekonomike dhe pensionistë. Kemi finalizuar masat për të mbështetur qytetarët dhe kompanitë, por nga sot do të punojmë edhe më me përkushtim për tejkalimin e krizës”, theksoi Kovaçevski.

Ndihma financiare do të jetë në dispozicion për të gjitha kategoritë e rrezikuara të qytetarëve dhe pensionistët. Lehtësimi i aksesit në kredi për ndërmarrjet e vogla dhe të mesme, mbi 470 shkolla fillore dhe të mesme futen në tregun e rregulluar të energjisë elektrike.

Do të jepen kuponë me ndihmë financiare prej 3 mijë denarë në katër muajt e ardhshëm për kategoritë e rrezikuara, rastet sociale, si dhe për pensionistët, që konsiderohen se janë rreth 42 mijë qytetarë, e për të cilët do të financohen mbi 8 milionë euro.

Duke filluar nga muaji I ardhshëm, financimi për pensionistët arrin në mbi 12.2 milionë euro.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.