4.2 miliard njerëz të prekur nga censura në internet – Shqipëria rezulton e pastër

Mbi 4 miliardë njerëz në mbarë botën me gati një të tretën e një miliardi në Afrikë janë prekur nga mbylljet e internetit që ndodhën në vitin 2022, thuhet në raportin e censurës së internetit të Surfshark.

Raporti tregoi se Azia përbënte gati gjysmën e të gjitha rasteve të reja në 2022 ndërsa Afrika ishte e dyta.

Përmbledhja vjetore e censurës së internetit e Surfshark është një gjurmues i censurës në internet, i zhvilluar nga Surfshark në partneritet me mbikëqyrësin e internetit, NetBlocks, për të gjurmuar mbylljet e pjesshme dhe të plota të internetit dhe mediave sociale në 196 vende dhe territore që nga viti 2015.

Sipas raportit, Afrika ishte kontinenti i dytë më intensiv nga censura e internetit pas Azisë, duke treguar se përveç kufizimeve shumëvjeçare, pesë vende në kontinent censuruan internetin 13 herë në vitin 2022.

Përsa i përket Shqipërisë referuar raportit të publikuar nga Surfshark dhe NetBlocks nuk kanë gjetur asnjë provë për mbylljen e internetit në vend.

Sudani mbajti kryesimin në numërimin e ndërprerjeve të internetit me një rekord prej katër mbylljesh, i ndjekur nga Burkina Faso, i cili pati tre; Zimbabve përjetoi tre ndërprerje ndërsa Sierra Leone dhe Somalia regjistruan respektivisht dy dhe një ndërprerje.

Ndërkohë, Azia vazhdoi të kryesojë nga numri i ndërprerjeve të internetit me 11 vende që imponuan ndërprerje të reja të internetit në vitin 2022, duke i çuar të gjitha ndërprerjet në gjithsej 58 raste. Kufizimi i Burkina Faso ishte më i gjati në botë me një kufizim të vazhdueshëm në Facebook, i ndjekur nga Rusia dhe Azerbajxhani.

Ndërprerjet në Twitter, Facebook dhe Instagram të Rusisë pasuan pushtimin e vendit të Ukrainës. Vendi kishte bllokuar gjithashtu aksesin në faqet kryesore ndërkombëtare të lajmeve, thuhet në raport.

Zëdhënësja e Surfshark, Gabriele Racaityte-Krasauske, u citua të thoshte, “Më shumë se gjysma e popullsisë së botës u prek nga censura e internetit vitin e kaluar. Shumë nga këto raste përfshinin ndërprerje të plota të internetit në nivel lokal ose kombëtar.

“Këto mund të jenë shkatërruese dhe jashtëzakonisht të rrezikshme, veçanërisht gjatë kohës së luftës, protestave ose represioneve të dhunshme të qeverisë.”

Racaityte-Krasauske tha se kufizimet e internetit mund të pengojnë njerëzit të mobilizohen për mbrojtjen e demokracisë dhe t’i pengojnë ata të kontaktojnë me të dashurit, të hyjnë në faqet e lajmeve dhe të përhapin informacion në botën e jashtme.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.