“55 centrale diellore presin “OK”, u dhanë vetëm 7 leje” – Balluku: Gati PPP-ja e radhës për rrugë. Rindërtimi nuk mbyllet sivjet në 7 bashki  

Ministrja e Infrastrukturës dhe Energjisë, Belinda Balluku premton se gjatë vitit 2023 do të rritet numri i lejeve për parqe diellore”. Në një konferencë të gjatë, ku prezantoi arritjet e vitit që lamë pas dhe projektete për vitin 2023, Balluku tha se në ministri janë 55 projekte që presim miratim, ndërkohë që gjatë vitit 2022, u dhanë vetëm 7 leje.

Investitorët prej kohësh kanë rritur interesin për këto centrale, por pavarësisht kësaj dhe krizës energjetike, hapat për materializimin e lejeve kanë qenë të ngadaltë. Ndërkaq, pas shumë vitesh në tavolinë, qeveria duket se ka rikthyer edhe çështjen e TEC-it të Vlorës, ku sipas deklaratës së radhës, pritet nisja e funksionimit në dhjetor të vitit 2023. Sa i takon sektorti të transporti rrugor, Balluku paralajmëroi se po përgatitet procedura e radhës për partneritetin publik-privat e më konkretisht për segmentin Milot – Balldre.

Balluku foli edhe për rishpërndarjen e taksës që do të mblidhet nga prodhuesit e energjisë, por deri më tani nuk ka asnjë detaj sesi do të shpërndahet fondi 8.3 mld lekë që parashikohet të mblidhet.

Pjesë e prezantimit ishte edhe procesi ii rindërtimit, pas tërmetit të vitit 2019, që tashmë I është kaluar Ministrisë së Infrastruktuyrës dhe Energjisë . Sipas deklaratave gjatë vitit 2023 parashikohet të mbyllet procesi në Bashkitë Kavajë, Rrogozhinë dhe  Kamëz, ndërkohë që në 7 bashki të tjera, që janë: Lezha, Mirdita, Kurbini, Kruja, Durrsi, Vora dhe Tirana nuk ka një afat se kur qytetarët do të mund të marrin banesat e tyre.

Ola Mitre/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.