6 mijë fermerë në skemat bujqësore, rritje 25% nga 2022 – Projektbuxheti afatmesëm, eksportet bujqësore me rritje në 500 milionë Usd në 2023

Deri në vitin 2025, Ministria e Bujqësisë parashikon të rrisë me 25% numrin e fermerëve të përfshirë në Skemat Kombëtare në këtë sektor, ndërkohë që rrite do shënojë edhe numri i atyre që do të përfitojnë subvencionimin e naftës.

Parashikimet janë bërë në Projektbuxhetin Afatmesëm të sapomirtuar nga Qeveria për peridhën 2023-2025. Në dokument parashikohet shtimi i numrit të përfituesëve nga Skemat Kombëtare në bujqësi nga 4800 përfitues në vitin 2022, 5000 përfitues në vitin 2023, 5500 përfitues në vitin 2024 dhe 6000 përfitues në vitin 2025, dhe mbështetjes së 260 përfituesëve nga Programi IPARD II për 2023.

Në dokument vendosen edhe parashikime sa i përket numrit të fermerëve që do mbështeten me subvencionimin e naftës.  Më specifikisht, parashikohet rritja e numrit të përfituesve nga Skema e Subvensionit të naftës për bujqesinë nga 17.500 përfitues në vitin 2022 në 18.500 përfitues në vitin 2025.

Ndërkohë që mjaft ambicioze duken pritshmëritë sa i përket eksporteve bujqësore në tre vitet e ardhëshme. Projektbuxheti afatmesëm parashikon rritjen e volumit të eksportit të produkteve  bujqësore dhe të agropërpunimit nga 47.4 miliardë lekë në vitin 2022 në 50.7 miliardë lekë, apo afërisht 500 milionë dollarë, në vitin 2023.

Më terma punësimi, synohet zhvillimi i sektorit të bujqësisë dhe atij rural në Shqipëri, për të përmirësuar performancën e tyre ekonomike dhe kushtet e jetesës në zonat rurale, për t’i përgatitur këta sektorë për anëtarësimin e ardhshëm në BE, duke rritur  Numrin e të punësuarëve në bujqësi dhe agropërpunim (nga 549.470 të punësuar të parashikuar në vitin 2022 në 565.954 të punësuar në vitin 2023).

Lorenc Rabeta/ SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.