Aksionerët e Twitter pranojnë ofertën e Musk: 44 miliardë dollarë për blerjen e platformës të cilën miliarderi nuk e do më!

Aksionerët e Twitter kanë pranuar ofertën prej 44 miliard dollarë të Elon Musk, i cili po përpiqet të mos e përfundojë blerjen e platformës. Vendimi merret në një ditë të vështirë në momentin që një ish përgjegjës për sigurinë i Twitter doli përpara komisionit të drejtësisë në senatin e amerikan, duke konfirmuar akuzat e tij kundër platformës sociale.

Drejtuesit e Twitter kanë injoruara paralajmërimet e inxhinierëve duke i dhënë prioritet përfitimeve në krahasim me sigurinë. Sipas personit që tashmë akuzon Twitter, mangësitë në sektorin e sigurisë së Twitter janë një bombë me sahat dhe sjellin rreziqe dhe për sa i përket sigurisë kombëtare.

Emri i akuzuesit nuk është bërë i ditur për opinionin publik, ndërsa ai këmbëngul se Twitter nuk është në gjendje të kontrollojë qasjen në sistem të nënpunësve të saj duke e bërë të pamundur për shoqërinë që të dallojë praninë e agjentëve të jashtëm. Ai thekson se Twitter ka mashtruar përdoruesit dhe investitorët.

Këto akuza rrezikojnë të komplikojnë betejën ligjore të tuitter kundër Musk. Pasi këmbënguli për muaj të tërë për blerjen e platformës për 44 miliard dollarë, njeriu më i pasur në botë kërkon të tërhiqet nga oferta. Ai është përpjekur tre herë por nuk ia ka dalë dot.

Fjalën e fundit e ka gjykata e Delauare, ku Twitter është drejtuar për të urdhëruar pronarin e Tesla që të mbajë fjalën e tij për blerjen. Në fillim fitorja për platformën dukej e siguruar, por pas akuzave të ish punonjësit anonim që  i japin të drejtë Musk për praninë e profileve të rreme, situata është ndërlikuar.

Fakti që Twitter më pas i pagoi ish-menaxherit të tij të sigurisë një shumë prej 7 milion dollarësh për fshirjen e gjurmëve pas shkarkimit të tij, e ndërlikon më tej lojën, duke i hapur derën Musk për të pretenduar atë që ai beson se është një tjetër shkelje e marrëveshjes së blerjes që ndalon pagesat.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.