Amazon teston taksinë e parë pa timon – Robotaxi ka vend për katër pasagjerë. Pritet dalja e saj në treg

Njësia e automjeteve vetëdrejtuese të Amazon.com, Zoox, konfirmoi se ka testuar me sukses një robotaksi, me punonjësit si pasagjerë, në një rrugë publike, në një lëvizje për ta sjellë atë më afër shërbimit komercial për publikun e gjerë.

Testi i kryer midis dy ndërtesave Zoox një milje larg njëra-tjetrës në selinë e saj në Foster City, Kaliforni, ishte pjesë e lançimit të një shërbimi transporti pa kosto për punonjësit, i cili do të ndihmojë gjithashtu kompaninë të përsosë teknologjinë e saj.

Shefja ekzekutive e kompanisë, Aicha Evans u shpreh se vendosja e automjetit në  rrugë publike dhe vërtetimi i qasjes ndaj të gjitha kërkesave të ndryshme, duke përfshirë ato rregullatore, është një hap i madh. Hap i cili nuk do të ishte hedhur nëse brenda vendit nuk do të shihej qartë se një mjet i tillë është gati për treg. Evans nuk pranoi të japë një afat kohor për përdorimin komercial, që do të ketë nevojë për leje shtesë nga qeveria.

Segmenti i automjeteve të automatizuara të industrisë nuk është realizuar aq shpejt sa pritej fillimisht, pasi teknologjia ka rezultuar e vështirë për t’u zotëruar. Ford Motor Co dhe Volkswagen AG, vjeshtën e kaluar njoftuan se do të mbyllnin njësinë e tyre vetëdrejtuese Argo AI dhe do të fokusoheshin në teknologjinë e ndihmës së shoferit që siguron kthesa më të menjëhershme.

Robotaksi i Zoox – i ndërtuar si një automjet plotësisht autonom – vjen pa timon ose pedale dhe ka vend për katër pasagjerë. Shitësi me pakicë në internet Amazon, i cili është zgjeruar në mënyrë agresive në teknologjinë e vetëdrejtimit, bleu Zoox për 1.3 miliardë dollarë në 2020.

Por rritja e shpejtë e normave të interesit dhe kërkesa e dobët e konsumatorit ngjallën frikën e një recesioni global, duke detyruar shumë kompani, përfshirë prodhuesit e automjeteve dhe gjigantët e teknologjisë, të reduktojnë fuqinë e tyre punëtore dhe kostot.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.