Anija e parë e mallrave largohet nga porti i Mariupolit por me drejtim Rusinë – Ukraina: Dërgesa e metaleve përbën grabitje
Një anije është larguar nga porti ukrainas i Mariupolit për herë të parë që kur Rusia mori qytetin dhe është nisur drejt lindjes së Rusisë me një ngarkesë metalike, tha lideri i rajonit separatist ukrainas të Donetskut, i mbështetur nga Rusia.
Ukraina tha se dërgesa e metaleve në Rusi nga Mariupoli, kapja e së cilës i dha Moskës një urë tokësore që lidh Rusinë kontinentale dhe territorin separatist pro-rus me Krimenë e aneksuar, përbënte grabitje.
“Sot 2500 ton fletë të petëzuara u larguan nga porti i Mariupolit”, shkroi Denis Pushilin, kreu i Republikës së vetëshpallur Popullore të Donetsk, në aplikacionin e mesazheve Telegram. “Anija u nis për në qytetin rus të Rostov.”
Rusia mori kontrollin e plotë të Mariupolit në fillim të këtij muaji, kur më shumë se 2,400 luftëtarë ukrainas u dorëzuan në fabrikën e çelikut të rrethuar Azovstal. Rusia tha javën e kaluar se porti ishte çminuar dhe ishte i hapur sërish për anijet tregtare.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.