Ankesat për mbifaturim energjie – Rikthimi i tarifimit me fasha, familjarët mund të kundërshtojnë faturat në ERE

Teksa rikthimi i fashave të tarifimit të nergjisë elektrike, mund të pasohet me një rritje të ankesave për afatet e leximit të matësit, abonentet familjarë kanë të drejtë të depozitojnë ankesa jo vetëm pranë Operatorit të Shpërndarjes së Energjisë Elektrike, por edhe pranë Entit Rregullato të Energjisë. Ankesat pranë këtij të fundit mund të depozitohen nga çdo konsumator i energjisë elektrike, që nuk merr përgjigje në afat për ankesën, që mund të ketë depozituar pranë OSHEE-së apo mbetet i pakënaqur nga zgjidhja e dhënë.

Ankesa bëhet online, përmes faqes zyrtare të ERE-s, ku gjendet formulari elektorinik, me të dhënat që kërkohen për shqyrtimin e ankesës. Ankesa duhet të përcaktojë palën ose palët që besohet se janë përgjegjëse për çështjen që trajtohet në ankesë, veprimin ose mosveprimin qe mendohet se eshte ne kundershtim me ligjet e aplikueshëm, si dhe përrllogaritje të barrës financiare, nese ka.

Gjithashtu, ankesa duhet të përmbajë edhe veprimin korrigjues, ndihmen apo dëmshpërblimin e kërkuar për dëmin e shkaktuar. ERE, sipas rastit, do të dërgojë për verifikim ankesën pranë subjektit të ankimuar brenda 15 ditëve kalendarike, ndërkohë që i ankimuari do te pergjigjet brenda 10 diteve pune, pas komunikimit të ERE.

Pas rikthimit të skemës së tarifimit me fasha, ku konsumi mbi 800 kwh/muaj do të tarifohet me 42 lekë/këh, ERE ka theksuar nevojën që leximi i matësit duhet të kryhet duke respektuar në mënyrë rigoroze afatin prej 30 ditësh kalendarike, të përcaktuar në kushtet të përgjithshme të kontratës së shërbimit universal të furnizimit me energji elektrike për klientët fundorë.

Respektimi i leximit të matësit sipas ERE-s ka si qëllim mbrojtjen e të gjithë klientëve familjarë nga çdo abuzim i mundshëm i leximit dhe faturimit të konsumit të energjisë elektrike. Kjo pasi, me rikthimin e skemës së fashave, leximi jashtë afateve i matësit do i kushtonte shtrenjtë familjeve, duke qenë se çmimi për konsumin mbi 800 kWh/muaj është gati 4.5 herë më i shtrenjtë sesa energjia e harxhuar nën këtë fashë.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.