Apeli i pazakontë i Kryeministrit: Investoni në bono thesari. Investim pa asnjë risk, normat e fitimit shumë të kënaqshme

Ndërsa bonot e thesarit të Qeverisë aktualisht ofrojnë norma interesi mbi 5%, Kryeministri Edi Rama ka ftuar qytetarët të investojnë në këto instrumenta kursimet e tyre. Ai tha se bëhet fjalë për investim pa asnjë risk, në një kohë që fitimet që ofron ky treg aktualisht janë mjaft të kënaqshme.

Ministrja e Ekonomisë dhe Financave, Delina Ibrahimaj u shpreh se investimi bono thesari e obligacione është në dobi të qytetarëve të cilët marrin iniciatën të investojnë dhe se Qeveria po punon për të informuar qytetarët lidhur me këtë nismë.

Në një kohë kur inflacioni ka kapur shifrën 8% njëherësh Banka e Shqipërisë ka rritur normat e interesit, ministrja e Ekonomisë dhe Financave së bashku me kryeministrin kanë ftuar sot qytetarët të investojnë në titujt qeveritarë.

Bonot e thesarit dhe obligacionet kanë një vlerë edhe më të madhe dhe janë në dobi të qytetarëve të cilët mund të investojnë në to. Kreu i qeverisë tha se për qytetarët vendas investimi në bonot e thesarit dhe në obligacione nuk kanë asnjë risk nga qytetarët ndërsa ministrja nënvizoi se Banka e Shqipërisë ka rihapur sportelet e kontakteve të drejtpërdrejta me qytetarët.

Lorenc Rabeta / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.