Aplikim në ministri për TEC privat – Fuqia e instaluar 170 MW, propozues “GENER 2” dhe grekët e “GEK TERNA”

Pavarësisht se strategji të ndryshme në vend synojnë diversifikimin e burimeve të rinovueshme të energjisë, pranë Ministrisë së Infrastrukturës dhe Energjisë është paraqitur kërkesa për ndërtimin e një termocentrali, që do të prodhojë energji nga karburantet.

Sipas njoftimit të ministrisë, impianti që do ketë fuqi të instaluar prej 170 MW dhe parashikohet të ndërtohet në zonën e Roskovecit, në Qarkun e Fierit.  Në rast të finalizimit të procedurës, kompania nuk do të përfitojë nga masat mbështeëse të qeverisë.

Propozuese e projektit është shoqëria “FIER THERMOELECTRIC” Sh.a., që është regjistruar pranë Qendrës Kombëatre të Binzesit të tetor të vitit të kaluar. 70% e aksioneve të shoqërisë zotërohen nga GEK TERNA, e krijuar nga bashkimi i 2 kompanive greke, që operojnë në fushën e ndërtimit. Ndërkohë që, 30% e aksioneve zotërohen nga kompania shqiptare “Gener 2”.

Objekt i aktiviteti është pikërisht zhvillimi i projektit të termocentralit, si dhe shitja, tregtimi apo disponimi ndryshe i energjisë elektrike të prodhuar nga impianti. Në rast të miratimit të projektit nga Ministria e Infrastrukutrës dhe Energjisë, ky do të jetë impanti i tretë në Shqipëri, që parashikohet të gjenerojë energji nga karburanti, që gjithsesi nuk është energji e rinovueshme e shkon në kundështrim me politikat e dekarbonizimit, për të cilat është anagzhuar edhe vendi ynë. Ndërkohë që, përveç tij është TEC-i i Vlorës dhe termocentralet lundrues, që gjithsesi deri më tani nuk kanë prodhuar energji.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.