APP, kritika për raportimin e kontratave të tenderëve – Institucionet shtetësore, probleme me modifikimin, pagesat dhe kolaudimin e punimeve

Shumë institucione shtetërore raportojnë modifikime të afatit të kontartës, që është një nga elemenetët kryesorë të saj, ndonëse rastet kur mund të bëhen këto ndryshime janë të mirëspecifikuara nga legjislacioni në fuqi”.

Konstatimi vjen nga Agjencia e Prokurimit Publik, në përfundim të hetimit administrativ sipas Planit të Monitorimit, si dhe duke u nisur nga mangësitë dhe problematikat e evidentuara në formularët e raportimit për zbatimin e kontratave të dërguara nga autoritetet kontraktore. Sipas APP, në formularin e raportimit autoritetet kontraktore duhet të përshkruajë asryet, rrethanat dhe argumentimin përkatës, mbi bazën e dispozitave ligjore që ëstë bërë modifikimi i kontratës.

Ndërkohë që, në çdo rast, duhet të dokumentojnë arsyet dhe argumentimet për modifikimin e kontratës ose të marrëveshjes kuadër.  Po kështu, APP ka konstatuar edhe probleme me raportimet në drejtim të afatit të kryerjes së pagesave ndaj kompanive private, duke lënë të paspecifikuar afatet se kur do të bëhet likujdimi. Për këtë arsye, APP kërkon që kjo pikë të raportohet në përputhje të plotë dhe sipas parashikimeve të vendosura në kontratë, afate, që duhet të jenë në përputhje me legjislacinin në fuqi.

Paralelisht, probleme janë konstatuar edhe më raportimin e afatit të kolaudimit të punimeve, duke specifikuar se në shumë raste kolaudnimi kryhet disa muaj më vonë se datat e përfundimit të punimve, ndërkohë që legjislacioni në fuqi përcakton se duhet të kryeht brenda 30 ditësh nga përfundimi i tyre. Rekomandimet e APP, vijnë pas disa udhëzimeve të tjerë, ku është theksuar se institucionet shtetërore nuk mund të ndryshojnë kushtet e kontratave nga ato të përshkruara në dokumentet e tenderit dhe në ofertën fituese.

Për këtë arsye u kërkua hartimi i planit të zbatimit të kontratës pas çdo tenderi të realizuar për punë, mallra apo shërbime. Udhëzimi bazohej në ligjin e ri “Për prokurimin publik”, ndërkohë që nuk kanë munguar rastet kur autoritetet kontraktore kanë parashikuar të tjera kushte në kontratë, nga ato të parashikuara në garat tenderuese.

Ola Mitre / SCAN

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.