Apple tani i lejon zhvilluesit të faturojnë deri në 10 mijë dollarë për një aplikacion!

Nëse ishit të shqetësuar se sa para mund të shpenzonit në aplikacione deri më tani është koha të ‘shqetësoheni’.

Apple tha se po shton 700 pika të reja çmimi për aplikacionet në App Store, duke filluar nga 0,29 dollarë dhe deri në 10,000 dollarë, megjithëse niveli shumë i lartë është i disponueshëm “sipas kërkesës” vetëm nga zhvilluesit.

Ndryshimet pasojnë një marrëveshje prej 100 milionë dollarësh me zhvilluesit në gusht 2021, në të cilën kompania u zotua të zgjerojë pikat e çmimeve që zhvilluesit mund t’u ofrojnë konsumatorëve, mes ndryshimeve të tjera. Në atë kohë, Apple tha se “do të ndihmojë që App Store të bëhet një mundësi biznesi edhe më e mirë për zhvilluesit”.

Kjo gjithashtu vjen pasi Apple është përballur me shqyrtimin e kufizimeve dhe tarifave që u vendos zhvilluesve, përfshirë komisionin prej 30% që kompania merr nga disa prej aplikacioneve të listuara në dyqanin e saj të aplikacioneve.

Apple vitin e kaluar e bëri më të lehtë për disa kompani mediatike shmangien e tarifave, por kompania vazhdon të përballet me kritika nga Elon Musk, prodhuesi i Fortnite Epic dhe të tjerë për shkurtimin që duhet.

Përveç pikave të reja të çmimeve, Apple tha se po nxjerr mjete të reja që synojnë ta bëjnë më të lehtë për zhvilluesit të vendosin çmimet në bazë të vendit ose rajonit dhe të menaxhojnë ndryshimet e kursit të këmbimit valutor dhe më shumë.

Ajo tha se përmirësimet e reja të çmimeve do të jenë të disponueshme për aplikacionet që ofrojnë abonime të rinovimit automatik duke filluar nga e marta, dhe për aplikacionet e tjera dhe blerjet brenda aplikacionit pranverën e ardhshme.

Në total, tani ka 900 pika çmimi të ndryshme për aplikacionet në App Store të Apple. Pikat e reja të çmimeve të disponueshme përfshijnë çdo shenjë prej 0,10 dollarësh nga minimumi deri në 10 dollarë dhe çdo 0,50 dollarë midis 10 dhe 50 dollarë.

Ndërsa të shohësh një çmim prej 10,000 dollarësh pranë një aplikacioni mund të vijë si një tronditje, App Store nuk është i panjohur për aplikacionet e kushtueshme. Disa aplikacione, të tilla si aplikacioni i akordimit të pianos Cyber Tuner, aktualisht kushtojnë 999,99 dollarë.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.