Ari në 4000 dollarë? Analistët ndajnë perspektivën e tyre për vitin 2023: Inflacioni dhe recesioni do vazhdojnë!

Çmimet e arit mund të rriten në 4,000 dollarë për ons në vitin 2023, pasi rritja e normave të interesit dhe frika e recesionit i mbajnë tregjet të paqëndrueshme, thonë ekspertët. Çmimi i metalit të çmuar mund të arrijë midis 2,500 dhe 4,000 dollarë vitin e ardhshëm.

Ekziston një shans i mirë që tregu i arit të shohë një lëvizje të madhe, thonë ata, duke shtuar se “nuk do të jetë vetëm 10% ose 20%,”, por një lëvizje që “do të bëjë me të vërtetë kulme të reja”.

Shumë ekonomi mund të përballen me “pak recesion” në tremujorin e parë, gjë që do të çonte në ngadalësimin e ritmit të rritjes së normave të interesit nga shumë banka qendrore dhe për ta bërë arin menjëherë më tërheqës. Ai tha se ari është gjithashtu i vetmi aktiv që zotëron çdo bankë qendrore.

Sipas Këshillit Botëror të Arit, bankat qendrore blenë 400 ton ar në tremujorin e tretë, pothuajse dyfishuar rekordin e mëparshëm prej 241 tonësh gjatë së njëjtës periudhë të vitit 2018.

Ndërkohë investitorët do të shikonin drejt arit me inflacionin që mbetet i lartë në shumë pjesë të botës. Ari është një mbrojtje shumë e mirë e inflacionit, një kapje e mirë gjatë stagflacionit dhe një shtesë e shkëlqyer në portofol.

Disa ekspertë besojnë se pavarësisht kërkesës së fortë për ar, çmimet mund të dyfishohen vitin e ardhshëm. Çmimet e arit do të shihnin një tërheqje dhe rezistencë në 1,900 dollarë për ons. Çmimet do të përcaktohen nga mënyra se si inflacioni i përgjigjet rritjes së normave të interesit në nivel global.

Ari u rrit të martën teksa dollari amerikan u dobësua pasi banka qendrore e Japonisë rregulloi politikën e kontrollit të kurbës së rendimentit. Njoftimi bëri që çmimet e arit të rriteshin 1% mbi nivelin kryesor të 1800 dollarëve, përpara se të bien më të ulëta të mërkurën pasi dollari rikuperoi terren.

Investitorët duhet të ndajnë 10% deri në 20% të portofolit të tyre për arin, duke shtuar se kjo është një “strategji përkatëse” që shkon në 2023.

Ari gjithashtu tradicionalisht ka qenë në përpjesëtim të zhdrejtë me inflacionin dhe ka qenë një mbrojtje e mirë ndaj inflacionit. Ekspertët thonë se nëse shikoni se sa ari ju nevojitet për të blerë një shtëpi mesatare në vitet ’70, ju ndoshta keni nevojë për të njëjtën ose më pak sasi ari sot sesa keni kërkuar në vitet ’70, 80 ose ’90.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.