Balfin Real Estate & Hospitality zyrtarisht edhe në Kosovë!

Balfin Real Estate & Hospitality vjen me një tjetër përfaqësi jashtë kufijve të vendit, duke u pozicionuar këtë herë në Kosovë.

Nga viti në vit janë shtuar kërkesat për investime në pasuri të paluajtshme nga shqiptarët e Kosovës dhe tashmë ata do të kenë mundësi të njihen më nga afër me projektet më të rëndësishme të cilat po ndërtohen në zonat më ekskluzive dhe turistike të Shqipërisë.

Sikurse në Zyrih edhe përfaqësia në Prishtinë do të ofrojë një gamë të plotë shërbimesh në fushën e pasurive të patundshme, duke filluar nga kërkimet, konsulenca në gjetjen e pronës së duhur, ofrimin e mbështetjes maksimale në menaxhimin e saj, shitje/marrëveshje brokerimi, qira si dhe konsulencë pas shitjes. Të gjitha këto shërbime do të kryhen nëpërmjet një stafi të kualifikuar dhe të specializuar në këtë fushë.

Në përfaqësinë e Kosovës klientët e interesuar do të gjejnë disa nga projektet më të rëndësishme turistike që janë duke u ndërtuar nën vulën e Grupit BALFIN, si Green Coast Village i cili shtrihet pranë një prej monumenteve natyrore më piktoreske të Rivierës Shqiptare, Delta e Palasës dhe është konceptuar në vila, apartamente, njësi të ndryshme shërbimi, hapësira të shumta rekreative dhe sipërfaqe të gjelbëruara. Green Coast Village është një nga projektet më domethënëse të modernitetit, dinamizmit, relaksit dhe qasjes ndaj natyrës në formën e saj më të mirë.  Next to Vala Mar me një shtrirje përgjatë bregdetit të Adriatikut në Hamallaj.

Në të ofrohen vila të tipologjive të ndryshme, apartamente, parkime të hapura dhe shumëllojshmëri shërbimesh. Belvedere Korça i pari kompleks turistik dhe rezidencial me vila i projektuar mes gjelbërimit dhe qetësisë, pranë Parkut “Rinia” në qytetin e Korçës. Vilat vijnë me një shkrirje mes arkitekturës tradicionale dhe asaj moderne duke i dhuruar banorëve komoditet dhe një jetesë plot stil. Porto Lalzi është një tjetër projekt që i shtohet bregdetit të bukur të Hamallaj, jo vetëm një rezidencë banimi por edhe një marinë për jahte dhe shumë shërbime të tjera të cilat i japin vlerë jetesës buzë detit.

Balfin Real Estate & Hospitality është pjesë e Grupit BALFIN. Themeluar në vitin 2018, Balfin Real Estate & Hospitality vjen si një hub në të cilin janë zhvilluar me fokus të qartë të gjitha shërbimet që lidhen me tregun e pasurive të patundshme dhe jo vetëm. Vlerat e kompanisë qëndrojnë në tre shtylla kryesore, pasuri të patundshme, menaxhim i aseteve dhe pronave si dhe menaxhim dhe shërbime hoteliere.

• Adresa: Rruga: Rexhep Luci, H: 19, Nr: 4, Prishtinë, Kosovë
• Cel: +383 48 282 777  [email protected]

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.