Banka e Shqipërisë: Norma bazë e interesit mbetet e pandryshuar – Sejko: BSH ndërhyrje në treg për normalizimin e kursit të këmbimit  

Ekonomia shqiptare po i kalon me sukses pasojat e goditjeve të jashtme të inflacionit të ndodhura në dy vitet e fundit.

Me argumentin e këtij normalizimi të çmimeve Banka e Shqipërisë ka vendosur të mos ndërmarrë ndryshime në politikën monetare

Guvernatori Sejko tha se ulja e cmimit të ushqimeve nga importi ka reduktuar ndjeshmëm inflacionin, ndërsa për normalizimin e luhatjeve në tregun e këmbimit valuator pranoi ndërhyrjen e vazhdueshme të Bankës së Shqipërisë.

Pas debatit të fortë për mikrokreditë dhe kreditë me probleme, si edhe letrës së Presidentit për këtë, Guvernatori tha se institucioni është i gatshëm të bashkëpunojë për ndërmarrjen e reformave të duhura.

Mbajtja e pandryshuar e normës së interesit ishte e pritshme për faktin se vetëm një muaj më parë Këshilli Mbikqyrës i Bankës e kishte ulur atë.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.