Bankat rrisin financimet për energjinë e pastër – Por, shuma totale është më e vogël se ajo për lëndët djegëse

Bankat do të japin 81 cent në kuadër të një financimi për furnizimin me energji me karbon të ulët, për çdo dollar të shpenzuar për lëndët djegëse fosile në vitin 2021. Por ato njëkohësisht duhet të ruajnë angazhimet e tyre për më shumë. Bota do të duhet të mbledhë më shumë para për të përmbushur objektivat e vendosur për mbrojtjen e klimës.

Shumë skenarë klimatikë sugjerojnë që për të kufizuar rritjen e temperaturës globale në 1.5 °C mbi mesataren para-industriale, bota duhet të investojë 4 dollarë në energji të rinovueshme për çdo 1 dollarë të investuar në lëndët djegëse fosile deri në vitin 2030.

Analistët energjetikë përpiluan të dhëna nga 1.142 banka mbi atë që u quajt “raporti bankar i furnizimit me energji” për të vlerësuar nëse bankat po e përafrojnë financimin e tyre me ekonominë reale dhe objektivin prej 1.5 gradësh.

Sipas raportit, në vitin 2021, financimi i bankave për furnizimin me energji arriti në 1.9 trilion dollarë, nga të cilat vetëm 1 trilion dollarë shkuan për lëndët djegëse fosile dhe 842 miliardë dollarë për projektet dhe kompanitë e energjisë me karbon të ulët.

Raporti i financimit të bankave ra me 81 cent në 1 dollarë, ndërsa raporti global i investimeve të furnizimit me energji ra 90 cent në 1 dollarë. Një hov në investimet e karburanteve fosile pritet të përballet me përçarjen e shkaktuar nga pushtimi rus i Ukrainës, duke vënë në dukje një rritje prej 15% në 2022 – shin.

Raportet e financimit të bankave individuale ndryshojnë. Raporti i Bankës Mbretërore të Kanadasë ishte 0.4 dhe JPMorgan 0.7, krahasuar me 1.7 të BNP Paribas dhe 2.2 të Deutsche Bank. Gjetjet e raportit ndryshojnë nga një studim tjetër i publikuar muajin e kaluar nga grupet mjedisore, i cili tregoi se pjesa e financimit të bankave që shkon për burimet e rinovueshme ka ngecur.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.