Bashkitë, në situatë kritike financiare – Ibrahimaj: Vora e Kavaja, drejt falimentimit. Rama: Gjeneroni të ardhura, zero tolerancë

Krijoni të ardhura përndryshe bashkitë do administrohen nga shteti . Ky ka qenë paralajmërimi i kryeministri Rama për 61 kryebashkiakët e vendit gjatë një takimi të për decentralizimin e pushtetit vendor të mbajtur në Pallatin e Kongreseve. Ai i njoftoi masa shtrënguese për detyrimet e prapambetura.

“Ne do të hyjmë në një fazë shtrëngimi pa tolerancë. Kjo është e domosdoshme sepse nuk mundet dot që akumulimi historik i borxheve të bëhet një rrugë e hapur edhe për vitet që kemi përpara. Rritja e performancës së bashkive është një prioritet për ne, të gjithë së bashku. Bashkitë të mendojnë për të shtuar burimet e tyre financiare me të ardhura që burojnë nga tregu. Është e dhëna më dramatike në këto 30 vite që volume I aktiviteteve që lidh bashkitë me krijimin e të ardhurave jo buxhetore është minimal, afër zeros. Është e pamundur që ne ende sot në nivel bashkiak, që nga Tirana, të mos kemi asnjë aktivitet ekonomik të pavarur që prodhon të ardhura. Duke filluar nga ndërtimi. Bashkitë i kanë të gjithë mundësitë që të ndërtojnë dhe të fitojnë para për buxhetin e tyre. Më thoni një kompani bashkiake që ndërton në funksion të strehimit në Shqipëri? Asnjë, nuk ka! Nuk mundet të jetë qeveria përgjigja për çdo kërkesë dhe nevojë”, tha Rama.

Reagimi i Ramës erdhi pasi ministrja e Financave Delina Ibrahimaj paraqiti bilancet e të gjitha bashkive me të ardhurat që kanë gjeneruar.

“35 bashki pa problem, 14 bashki me probleme  , 10 bashki në vështirësi, 2 me probleme serioze .Të ardhurat vendore janë rritur në bazë ët gjerë si nga ato të transferuara nga pushteti qendror por edhe të mbledhura nga vetë bashkia. Taksa e pasurisë këtë vit fillon proces ndryshe. Është duke u pilotuar në 9 bashki. Nuk ka pasur performancë të mirë sa të tjera. Duke punuar për të hartuar një ligj të ri të taksës së pasurisë që pritet të fillojë diskutimin gjatë pjesës së dytë të vitit”, u shpreh kryeministri.

Ibrahimaj vendosi ultimatum të gjitha bashkive të cilat deri në datën 15 korrik të dorëzojnë planin për përmirësimin financiar.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.