Bazë elektronike të dhënash për rekordet korruptive – Regjistër për denoncimet, bashkëpunim me Gjendjen Civile dhe E-Albanian për informacionet

Për të gjitha denoncimet të cilat kanë lidhje me rekordet korruptive do të krijohet një bazë të të dhënave shtetërore në një sistem elektronik online.

Sistemi Elektronik i Menaxhimit të të Dhënave të Denoncimeve për Rekordet Korruptive do të grumbulloj informacion  dhe  ta ruaj në  formë  elektronike për     denoncimet     e     rasteve     të  korrupsionit,     informacion     për     menaxhimin,  trajtimin  e  statusin  e  tyre,  si  dhe  raportimin  e  të  dhënave   korruptive   nga   struktura   përgjegjëse  kundër  korrupsionit  dhe  koordinatorët  e  Rrjetit  kundër Korrupsionit.

Ky sistem do të administrohet  nga  Ministria e  Drejtësisë,  në  përputhje  me  parimet dhe masat   tekniko organizative   për  garantimin    dhe    menaxhimin    e    sigurisë    në  përpunimin    e    të    dhënave    personale. Të ndara në parësore dhe dytëësore, sistemi elektronik do të përfshijë të dhëna si rastet e denoncuara, gjurmimin  e  të  dhënave  dhe  përpunimin  e  Informacionit, të dhëna mbi statistikat, të dhëna personale të personave si emir mbiemer numër identifikimi por dhe numri I ankesave data etj.

Ministria e Drejtësisë nëpërmjet këtij sistemi elektronik do të ketë mundësinë të ndërpverproj me institucionet e tjera për të`të dhënat e duhura si Regjistrin   Kombëtar   të   Gjendjes   Civile,  portalin e-Albania etj.

Me qëllimin e grumbullimit të tyre, palët  do të shkëmbejnë  të  dhënat  personale  si dhe do ndërmarrin    masa    teknike    e    organizative    të përshtatshme  për  të  mbrojtur  të  dhënat  personale nga  shkatërrime  të  paligjshme,  humbje  aksidentale apo   nga   çfarëdo   forme   tjetër   e   paligjshme përpunimi.

Ky sistem do të ketë të drejtën të marrë informacione nga  çdo  subjekt,  i  cili  bën  një  denoncim,  kërkesë apo  ankesë,  të  administruar  nëpërmjet  platformës “Me ty, për Shqipërinë që duam”, nga struktura përgjegjëse për antikorrupsionin në Ministrinë e Drejtësisë, koordinatorët e Rrjetit kundër Korrupsionit etj.

Sistemi (SEMDRK-ja),  si  bazë  të  dhënash  shtetërore do të bëhet   në   formatin web-based dhe   hostohet   në serverat e AKSHI-t.

Marinela Lina / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.