BE, gati subvencionet për energjinë e rinovueshme – Synohet nivel më i lartë konkurrence ndaj hidrogjenit me bazë karburanti fosil

Komisioni Europian prezantoi planet për një skemë të subvencionimit të hidrogjenit që do t’i bënte versionet e pastra të karburantit më konkurrues ndaj hidrogjenit me bazë karburanti fosil.

Industritë e BE-së përdorin rreth 8 milionë ton hidrogjen, por pjesa më e madhe e tyre prodhohet duke përdorur gaz në një proces që lëshon CO2 që ngroh planetin. BE-ja dëshiron të kalojë në hidrogjen pa CO2 të prodhuar nga energjia elektrike e rinovueshme për të ulur emetimet e industrisë.

BE-ja do të themelojë një “bankë” të financimit të hidrogjenit, e përbërë nga ankande për t’i dhënë një cmim fiks prodhuesve të hidrogjenit për kilogram hidrogjen deri në 10 vjet.

Ankandi i parë i këtij viti do të ofrojë rreth 800 milionë euro. Pagesat do të bëhen pasi të jetë prodhuar hidrogjeni. Për të aplikuar, projektet do të kenë nevojë për prova që kanë një blerës të interesuar dhe një furnizim me energji të rinovueshme për të fuqizuar vendin e prodhimit. Në projekt bëhet e qartë se qëllimi i bankës është të zvogëlojë hendekun e kostos në një nivel që të gjithë klientët privatë janë të gatshëm dhe në gjendje ta mbulojnë.

Qeveritë gjithashtu do të jenë në gjendje të vendosin fonde kombëtare në ankandet e BE-së për të rritur buxhetin për projektet në vendet e tyre, në mënyrë që nëse projektet humbasin fondet e BE-së, ato mund të përfitojnë ende nga kjo ndihmë shtetërore.

BE dëshiron të prodhojë 10 milion ton hidrogjen të rinovueshëm dhe të importojë 10 milion të tjerë deri në vitin 2030. Aktualisht prodhon më pak se 0.3 milion ton hidrogjen nga energjia elektrike.

Arritja e këtyre objektivave do të kërkonte investime masive për të zgjeruar flotën e vogël të elektrolizuesve të Europës – pajisjet e përdorura për prodhimin e hidrogjenit nga energjia elektrike – dhe instalimin e 150 deri në 210 GW të kapaciteteve të reja të energjisë së rinovueshme për t’i fuqizuar ato. Ky investim mund të kushtojë deri në 471 miliardë euro dhe shumica e fondeve pritet të grumbullohet nga sektori privat.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.