BE nuk bie dakord për një kurs të përbashkët për klimën!

Shtetet anëtare të Bashkimit Evropian nuk arritën të binin dakord për një kurs të përbashkët në politikën për klimën.

“Ka ende pengesa, por ne do t’i shmangim ato,” tha shefi i politikës së jashtme të BE-së Josep Borrell pas takimit të ministrave të Jashtëm të vendeve anëtare të BE-së, pa dhënë detaje.

Borrell tha se pret që një marrëveshje të arrihet brenda pak ditësh. Zyrtarë të lartë të BE-së thanë për agjencinë e lajmeve Reuters se shumica e draftit ishte miratuar.

Megjithatë vazhdon të ekzistojnë mosmarrëveshje në lidhje me klasifikimin e hidrogjenit të prodhuar me ndihmën e energjisë atomike dhe të hidrogjenit të prodhuar përmes energjive të rinovueshme.

Franca mbështet prej kohësh energjinë bërthamore si rrugë për të prodhuar energji elektrike. Prandaj Parisi zyrtar dëshiron që hidrogjeni i prodhuar nga përdorimi i energjisë bërthamore të përfshihet në objektivat e BE-së.

Gjermania dhe disa vende të tjera janë kundër dhe këmbëngulin që i ashtuquajturi hidrogjen i gjelbër duhet të prodhohet me energji të rinovueshme.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.