“Bie” bordi i transparencës për karburantet – Pas më shumë se 1 viti çmimet do i vendosë tregu
Pas më shumë se një viti, qeveria shqiptare ka vendosur të shfuqizojë bordin e transparencës i cili përcaktonte çmimin maksimal të shitjes më shumicë dhe pakicë të naftës, benzinës dhe gazit në treg.
Ky bord u krijua më 12 mars të vitit 2022, si pasojë e rritjes së çmimeve në vend të shkaktuara nga lufta në Ukrainë dhe qëllimi ishte të mos lejoheshin abuzime ndaj qytetarëve nga ana e operatorëve që tregtojnë këto produkte.
Megjithatë përgjatë gjithë kohës së funksionimit të bordit ka pasur pakënaqësi dhe dyshime nga përfaqësues të politikës dhe ekspertë, si dhe është kërkuar shfuqizimi i tij.
Nga ana tjetër, qeveria ka marrë edhe një vendim për rimbursimin total të akcizës për sektorin industrial dhe agroindustrial për hidrokarburet dhe gazin, gjë që u vjen në ndihmë biznesve prodhuese.
Elisabeta Dosku/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.