Bien çmimet e shtëpive në Britani – Rënia e parë vjetore në më shumë se një dekadë
Çmimet e banesave në Britaninë e Madhe do të bien në vitin 2023, duke i dhënë fund rritjes së viteve të para, por nuk pritet një impakt i madh pavarësisht krizës së kostos së jetesës dhe rritjes së kostove të huamarrjes, sipas një sondazhi të agjencisë së lajmeve Reuters.
Njëosj si në pjesën më të madhe të botës, inflacioni është rritur ndjeshëm në Britaninë e Madhe, dhe për këtë arsye Banka e Anglisë po vijon të rrisë normat e interesit pikërisht në një moment kur ekonomia e vendit po rrëshqet në recesion. Kjo ka shkaktuar një situatë dhe më të rëndë tek konsumatorët me borxhe.
Çmimet e banesave ranë për herë të parë në 28 muaj në tetor të këtij viti. Ato do të bien me 4.7% vitin e ardhshëm në shkallë vendi, duke shënuar rënien e parë vjetore në më shumë se një dekadë duke u rritur me shumë mundësi me 6.3% këtë vit, sipas një sondazhi të kryer në 8 – 24 nëntor me 20 specialistë të tregut të banesave. Gjatë krizës financiare çmimet e banesave ranë me rreth 19%, por që atëherë janë dyfishuar, sipas të dhënave zyrtare. Ndërtuesit e banesave në Mbretërinë e Bashkuar shprehen se do të ndërtojnë më pak se sa ishte planifikuar fillimisht.
Çmimet do të kenë një rikuperim modest dhe do të rriten me 1.0% në 2024 – ën – shumë prapa pritshmërive për inflacionin e përgjithshëm – dhe më pas do të rriten me 3.5% në 2025-ën.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.