Bizneset e diasporës synojnë investime në Shqipëri – Samiti i Dhomës së Biznesit të Diasporës, mundësi bashkëpunimi

Gratë sipërmarrëse në diasporë konsiderohen si një një “aset” dhe potencial i rëndësishëm për të zgjeruar bizneset e ngritura jashtë vendit edhe në Shqipëri.  Duke qenë se potenciali i femrave sipërmarrëse shqiptare jashtë vendit mbetet pothuajse i pashfrytëzuar,

Dhoma e Biznesit të Diasporës Shqiptare ka organizuar Samitin e 3 me temë “Gruaja për Zhvillim të Qëndrueshëm”, ku i është kushtuar rëndësi bashkëpunimit mes tre dhe rritjes së prezencës së gjinisë femërore në biznes.

Një rol të rëndësishëm në rritjen e przencës së grave në jetën ekonomike dhe kryesisht ne industrinë dixhitale, do të marrë përsipër edhe politika.

Samiti i parë i Grave të Biznesit u fokusua në rolin e grave në biznes dhe kontributin e tyre në Diasporë. Ai shërbeu si platforma e parë e dedikuar për Gratë e Diasporës, për të shkëmbyer  informacione dhe për të vendosur kontakte për bashkëpunim ndërmjet bizneseve të tyre.

Samiti i dytë synoi të paraqesë sfidat gjatë periudhës së pandemisë COVID 19, përvojat dhe modelet e suksesshme të grave sipërmarrëse, si dhe mundësitë për investime të reja, si dhe krijimin e rrjeteve dhe nxitjen e  bashkëpunimit mes tyre.

Elisabeta Dosku / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.