Bizneset private shkelin më së shumti kodin e punës – Studimi i UNFPA: 29% e punonjësve deklaruan se nuk përfituan nga leja vjetore në 2022
Respektimi i Kodit të Punës ka krijuar diferenca ndërmjet shtetërorit dhe privatit përsa i përket krijimit të kushteve për punonjësit. Më së shumti të drejtat punonjësve u mohohen nga bizneset private duke mos përfituar kështu nga rregullat që vet Kodi i Punës i ka vendosur.
E tillë është dhe leja vjetore ku sipas një studimi të Fondit të Kombeve të Bashkuara për Popullsinë në Shqipëri, vetëm 29% deklaruan se nuk kanë të drejtë të përfitojnë nga leja vjetore në krahasim me të punësuarit në sektorin publik që kanë akses dhe mundësi të plotë për ta përvetësuar lejen e pushimeve vjetore.
Ky studim u zhvillua me punonjës të sektorit publik dhe privat të kuptuar problematikat e të dyja kategorive.
Përveç mosrepsektimit të lejes vjetore që një punonjës ka të drejtë të marrë 22 ditë pune pushim sipas Kodit të Punës, punonjësit në sektorin privat nuk kanë të drejtë të marrin pushim ditët e festave apo të paguhen kur punojnë edhe në fundjavë.
Gjetjet tregojnë se të punësuarit në sektorin privat punojnë më shumë orë në javë në krahasim me punonjësit në sektorin publik
65% e tyre punojnë ditë të shtunë dhe 37% punojnë edhe në ditët e festave. Ndërsa nga ana tjetër punonjësit në sektorin publik deklarojnë se vetëm 5% e tyre punon në ditë feste të cilat ju paguhen shtesë dhe 14% punojnë të shtunave.
Ekspertë të Fondit të Kombeve të Bashkuara për Popullsinë në Shqipëri dolën në përfundimin se ligji ekziston por nuk respektohet siç duhet për të cilin sugjerojnë të merren masa për përmirësimin e këtyre problematikave shumëvjeçare.
Marinela Lina / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.