“Bizneset të rrisin pagat që të mos mbeten pa punonjës” – Rama: I keni bërë “gropën” vetes, sipërmarrja të ndërgjegjësohet

Kryeministri Edi Rama bën përgjegjëse vetë sipërmarrjen për largimin e fuqisë punëtore dhe krizën që po përjeton aktualisht për shkak të mungesës së punonjësve. Gjatë një takimi me përfaqësues të biznesit, Rama theksoi se ka ardhur koha që sipërmarrjet të ndërgjegjësohen dhe të rrisin pagat, për të kthyer pas edhe atë kategori që ka emigruar.

Kryeministri theksoi epoka e shfrytëzimit të punonjësve ka përfunduar dhe nuk mund të ketë më punonjës të padeklaruar apo të deklaruar qoftë edhe më pak minimale.

Ministrja  e Financave, Delina Ibrahimaj,  u shpreh se nga të dhënat zyrtare rezulton se sektori i ndërtimit ka  30 pë rqind të fuqisë punëtore të deklaruar me pagën minimale dhe sektori i hotelerisë 50 për qind.

Sipas saj, pas rritje së pagës minimale,  do të fillojë një raund konsultimesh me bizneset se ku mund të arrijë paga mesatare në sektorë të ndryshëm të ekonomisë, pa e cënuar produktivitetin.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.