Blegtoria në emergjencë, sa ka rënë prodhimi i qumështit dhe mishit? – Krifca: Sektori më sfidues. Financuam 11 milionë euro
Blegtoria edhe për gjatë vitit 2022, ka treguar se nuk është në ditë të mira. Në analizën vjetore të punës së këtij institucioni, Ministrja e Bujqësisë, Frida Krifca, bëri me dije se prodhimi i mishit dhe qumështit ka rënë me 5 për qind, pavarësisht se përmes skemave kombëtare janë mbështetur me financim 6900 blegtorë.
Ndërkohë, Krifca nënvizo se gjatë këtij viti do të vendoset në jetë një skemë financimi me vlerë 11 milionë euro e dedikuar për rritjen e sektorit blegtoral.
Referuar të dhënave zyrtare të INSTAT, në vend prodhohet mesatarisht 148 milionë kg mish, çka i përgjigjet vetëm 77.3 për qind të nevojës për konsum, ndërsa pjesa tjetër prej 22.7 për qind mbulohet nga mishi i importit, Italia, SHBA, Greqia Brazili, etj. Nga ana tjetër, shifra e eksporteve është e pandjeshme, pasi ato janë të hapura kryesisht me rajonin.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.