BQE: BE në stanjacion, por normat duhet të rriten – Muajt e ardhshëm do të ketë sërish rritje të normave të interesit

Banka qendrore europiane do të vazhdojë të rrisë normat e interesit muajt e ardhshëm edhe pse përballë parashikimeve për një stanjacion ekonomik dhe me rrezikun e uljes së rritjes ekonomike për shkak të luftës në Ukrainë.

Buletini ekonomik i Eurotouer shpjegon se banka qendrore europiane ka në plan të rrisë dhe më shumë normat e interesit në muajt e ardhshëm. Ndërkohë në tregje rriten pritjet për një shtrëngim monetar, me normën mbi depozitat – aktualisht në 0.75% – që parashikohej në 3% në qershor.

Isabel Schnabel, anëtare e komitetit ekzekutiv shpjegoi se Banka qendrore europiane do të marrë parasysh fleksibilitetin ekonomi, por pika e nisjes së normave të interesit është shumë e ulët, dhe për këtë arsye është e qartë se duhet vazhduar me rritjen e tyre.

Banka qendrore europiane parashikon se cmimi i gazit do të vazhdojë të qëndrojë jashtëzakonisht i lartë në muajt e ardhshëm. Schnabel nuk komentoi rezultatin e mundshëm të zgjedhjeve në Itali, këtë dielë, por bëri apel që të vazhdohet me investimet dhe revormat të projektit kombëtar për rimëkëmbjen dhe rezistencën. Sipas saj qëndrueshmëria e borxhit varet nga rritja ekonomike. Ajo këmbënguli se është shumë e rëndësishme që projektet për rritjen ekonomike të ndiqen me koherencë dhe të implementohen në mënyrë integrale.

Në buletinin ekonomik të bankës qendrore europiane lexohet se inflacioni në zonën euro u regjistrua në nivelin 9.1% në muajin gusht dhe rishikimi në rritje të parashikimeve të ekspertëve flasin për 8.1% në 2022-shin, 5.5% në 2023-shin dhe 2.3 në 2024-ën.

Ndër të tjera saktësohet se pas rekuperimit të vënë re në gjysmën e parë të vitit 2022, të dhënat e fundit tregojnë një ngadalësim të konsiderueshëm të rritjes ekonomike në eurozonë, me ekonominë që pritet të ngecë në fund të vitit dhe në tremujorin e parë të vitit 2023.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.