Britania nuk do i dëbojë azilkërkuesit shqiptarë – Departamenti i Shtetit shpjegon zyrtarisht qëndrimin ndaj emigrantëve shqiptarë

Britania po tërhiqet nga nisma për dëbimin e përshpejtuar të emigrantëve shqiptarë. “The Guardian” raporton se pas letrës zyrtare nga shoqata e emigrantëve ‘Care4Calais’, përgjigja zyrtare e Home Office, departamentit qeveritar përgjegjës për emigrimin në Britani, shpjegoi se nuk do ketë përshpejtim për dëbimin e azilkërkuesve shqiptarë pas mbërritjes së tyre në Britaninë e Madhe, pavarësisht kthesës së papritur politike në vend.

Në gusht të vitit që shkoi, Priti Patel, ish-sekretarja e Brendshme, nënshkroi një marrëveshje me qeverinë shqiptare për të kthyer pas të gjithë ata shtetas shqiptarë që mbërrijnë ilegalisht Britani. Sipas saj, pjesë e kësaj marrëveshjeje do ishte edhe kthimi i azilkërkuesve të cilët bënin pretendime të rreme për të marrë nënshtetësinë angleze.

Duke marrë parasysh zhurmën që shkaktoi kjo marrëveshje, departamenti përgjegjës për emigracionin ka sqaruar se skema nuk do të zbatohet për shqiptarët që aplikojnë për azil në Mbretërinë e Bashkuar. Thënë kjo, shumica dërrmuese e shqiptarëve që kërkojnë leje për të qëndruar në Britani nuk do të preken nga marrëveshja.

Clare Moseley, themeluesja e Care4Calais, ka konfirmuar me bindje se sipas shifrave të fundit 53% e kërkesave shqiptare për azil janë pranuar nga Home Office, duke treguar kështu se për shumë shqiptarë, vendi i tyre nuk është i sigurt për të jetuar.

Ndërkohë Zyra e Brendshme ka pohuar se qytëtarët e ardhur nga Shqipëria në Britaninë e Madhe me gomone sipas shifrave arrijnë në 2,165 vetëm për 6 muajt e parë të këtij viti.

Megjithatë, përfaqësues të departamentit të shtetit në Britani, kanë siguruar se personat që do të vijnë ilegalisht nga rrjetet e organizuara kriminale do të trajtohen si emigrant të paligjshëm.

Sipas një zëdhënësi të Home Office që nga nënshkrimi i marrëveshjes së shtetit britanik me vëndin tonë, në shqëipëri janë kthyer më shumë se 1000 shqiptarë.

 

Burimi: The Guardian

Xhenisa Xhangoli/ SCAN

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.