Bursa për nxënësit që zgjedhin arsimin profesional – 5 kategoritë që do të financohen deri në 7300 lekë në muaj

Qeveria po synon të nxisë të rinjt drejt zgjedhjes së arsimit profesional si garanci për rritjen e punësimit në vend, për shkak të kërkesë së lartë nga këto sektorë për forcë punëtore të kualifikuar.

Kështu, përmes Agjncisë Kombëtare e Punësimit dhe Aftësive janë vënë në dispozicion mbi 2500 bursa studimi deri në 7320 lekë për nxënësit që ndjekin arsimin në shkollat profesionale në vend.

Vëmendje e veçantë do ti kushtohet mbështetjes së vajzave që regjistrohen në drejtime si mekanikë, elektronikë, përpunim druri, gjeodezi, shërbime mjetesh transporti, termohidraulikë me burstë plotë dhe gjysëm burse për vajzat që zgjedhin drejtime të tjera.  Po ashtu do të mbështeten me bursë të plotë nxënësit që regjistrohen në degët prioritare si bujqësi, veterinari, pyje, ndërtim, peshkim, detari, gjeologji dhe shpim e shfrytëzim të burimeve të naftës dhe gazit.

Me bursë të plotë do të mbështeten edhe nxënësit nga familjet në nevojë që banojnë mbi 5 km larg nga shkolla profesionale si dhe do të mbështeten edhe  ekselentët që kanë mbaruar vitin shkollor paraardhës me notë mesatare mbi 9.

Ndërkaq, akes në bursë të plotë do të kenë edhe të rinjtë nga grupe të veçanta që zgjedhin shkollat e mesme profesionale si nxënës me aftësi të kufizuar, pakicat kombëtare rome dhe egjiptian; jetimë ose ata që kanë vetëm njërin prind.

Elisabeta Dosku / SCAN

 

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.