Bursat europiane i rikthehen humbjeve – G7, në ditën e fundit të punimeve, në fokus samiti i NATO-s

Tregjet europiane janë hapur në rënie në sesionin e sotëm, për shkak të zbehjes së optimizmit të investitorëve në rang global. Indeksi pan-Europian STOXX 600 është hapur në rënie të lehtë me 0.3%, ndërsa edhe në rajonin e Azi-Paqësorit bursat kanë pasur një performancë mikse. Investitorët janë të shqetësuar për ngadalësimin e ekonomisë globale, që mund të bjerë edhe në recesion, për shkak të inflacionit të lartë.

Tregjet po presin të dhënat që do të publikohen më vonë gjatë ditës së sotme, duke përfshirë besimin konsumator për qershorit në SHBA dhe shitjen e shtëpive për prillin. Ndërkohë, samiti i shtatë ekonomive më të industrializuara të botës përfundon sot.

Liderët e G7-ës kanë rikonfirmuar mbështetjen për Ukrainën, duke thënë se do ta mbështesin vendin për sa kohë të nevojitet. E ndërkohë që samiti i G7-ës përfundon, në Spanjë po sot fillon samiti i NATO-s, ku lufta në Ukrainë do të kryesojë axhendën.

Në vigjilje të samitit, Sekretari i Përgjithshëm i NATO-s, Jens Stoltenberg, deklaroi se aleanca do të rrisë në 300 mijë numrin e forcave në gatishmëri, nga 40 mijë që ishin më parë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.