Bursat europiane, në rënie të lehtë – Investitorët, të shqetësuar për ekonominë. Në fokus Kongresi i partisë në Kinë
Bursat europiane janë hapur në rënie të lehtë në sesionin e sotëm, pasi investitorët vijojnë të shqetësohen mbi efektet që do të ketë ngadalësimi i ekonomisë globale. Indeksi pan-Europian e ka nisur ditën në rënie modeste me rreth 0.2%.
Edhe tregjet në rajonin e Azi-Paqësorit janë mbyllur në rënie në sesionin e parë të javës, për shkak të rritjes së shqetësimeve se ekonomia do të shkojë drejt recesionit vitin e ardhshëm. Në fokus të tregjeve do të jenë edhe fitimet tremujore të korporatave, për tremujorin e tretë të këtij viti.
Të dhënat mbi inflacionin në SHBA, që rezultuan mbi parashikimet e analistëve, kanë shtuar mundësitë që Rezerva Federale të rrisë sërish me 75 pikë bazë normën bazë të interesit, duke e çuar pranë 4%. Në Europë, investitorët po presin të dhënat mbi inflacionin në Itali për muajin shtator.
Gjithashtu, edhe Kongresi i 20 Kombëtar i Partisë Popullore kineze, ku gradualisht do të zbulohen edhe objektivat ekonomikë të qeverisë.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.