Bursat europiane, në rritje të lehtë – FMN: Lufta Rusi-Ukrainë, i vetmi kërcënim për ekonominë globale

Tregjet europiane të aksioneve janë hapur me ndryshime të vogla në sesionin e sotëm, ndërsa investitorët janë të fokusuar te tensionet gjeopolitike, pavarësisht se është sqaruar çështja e raketës së goditi Poloninë, ky gjetën vdekjen dy pesona. Indeksi pan-Europian Stoxx 600, e ka nisur ditën në rritje me rreth 0.2%, me shumicën e sektorëve që janë hapur në territor pozitiv. Në anën tjetër, tregjet aziatike dhe ato amerikane u mbyllën në rënie në sesionin e kaluar.

Polonia dhe NATO deklaruan se ishte një raketë mbrojtëse ukrainase ajo që goditi territorin e Polonisë, por Kievi zyrtar ka kërkuar të jetë pjesë e një hetimi, për të zbuluar se çfarë ka ndodhur realisht. Ndërkohë, ditën e sotme Kancelari britanik, Jeremy Hunt do të prezantojë planin e ri ekonomik, i cili përfshin miliarda paund ulje të shpenzimeve dhe rritje të taksave.

Paralelisht, shefja e Fondit Monetar Ndërkombëtar, Kristalina Georgieva, deklaroi se lufta mes Rusisë dhe Ukrainës është faktori i vetëm negativ për ekonominë globale. Duke folur në samitin e G20-ës në Bali të Indonezisë, Georgieva bëri thirrje që samiti të fokusohet te problemet që lindin nga ky konflikt, si inflacioni global, rritja e kostove të jetesës dhe siguria energjitike.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.