Bursat europiane zgjerojnë fitimet – Indeksi FTSE 100 i Londrës prek nivelin më të lartë në histori

Tregjet europiane janë hapur në rritje në sesionin e sotëm, ndërsa një ditë më parë indeksi FTSE 100 i Londrës preku nivelin më të lartë në histori. Indeksi pan-Europian Stoxx 600 po qëndon në rritje me 0.6%, ndërsa shumica e sektorëve janë në territor pozitiv.

Fitimet më të mëdha po i realizon sektori i minierave, në rritje me rreth 1.2%. Indeksi i Londrës FTSE kaloi nivelin e 8,000 pikëve, për herë të parë në histori. Referuar të dhënave në Mbretërinë e Bashkuar, Indeksi i Çmimeve Konsumatore u rrit me 10.1%, duke shënuar ngadalësim për të tretin muaj me radhë. Analistët e anketuar nga Reuters parashikonin një rritje me 10.3%.

Humori i investitorëve është përmirësuar edhe nga të dhënat pozitive mbi shitjet me pakicë në SHBA, që u rritën me 3% gjatë janarit. Gjithashtu, tregjet po presin edhe disa të dhëna për Eurozonën, që do të japin një panoramë më të qartë mbi gjendjen e ekonomisë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.