Bursat europiane zgjerojnë humbjet – Investitorët, në pritje të të dhënave ekonomike për eurozonën
![](https://scantv.al/wp-content/uploads/2022/12/bursa-euronext-765x383.jpg)
Bursat europiane janë hapur në rënie në sesionin e sotëm, ndërsa në sesionin e kaluar prekën nivelin më të lartë në një vit. Indeksi pan-Europian STOXX 600 është hapur në rënie me 0.3%, ndërsa shumica e sektorëve janë në territor negativ.
Humbjet më të mëdha i realizon sektori minerar, në rënie me rreth 1.2% të vlerës. Të dhënat e publikuara në Mbretërinë e Bashkuar treguan se, inflacioni ra për të tretin muaj me radhë, gjatë janarit, duke prekur nivelin e 10.1%. Analistët parashikonin një rënie në 10.3%. Ndërkohë, shumica e tregjeve aziatike u mbyllën në rënie, gjatë sesionit të sotëm. Investitorët po presin edhe disa të dhëna të rëndësishme për Eurozonën, që do të publikohen gjatë kësaj jave.
Në tregjet e tjera, analistët parashikojnë se deri në fund të këtij viti, ari do të ngjitet sërish pranë 2000 dollarëve për onz, për shkak të pritshmërive për dobësimin e dollarit amerikan. Rritja më e madhe e metalit të verdhë pritet të ndodhë në gjysmën e dytë të vitit, kur Rezerva Federale të fillojë uljen e normave të interesit.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.