Bursat, në pritje të PBB dhe inflacionit – Të dhënat do të jenë vendimtare mbi ecurinë e politikave monetare

Bursat europiane janë hapur në rënie në sesionin e parë të javës, pasi investitorët po presin disa të dhëna ekonomike për eurozonën. Indeksi pan-Europian Stoxx 600 e ka nisur ditën në rëenie të lehtë me 0.2%, me sektorin e naftës dhe gazit, që realizon humbjet më të mëdha.

Pas Bankës Qendrore Europiane, tashmë pritet që edhe Rezerva Federale të rrisë normën bazë të interesit me 0.75 pikë përqindje, në takimin 2 ditor të kësaj jave. Më vonë gjatë ditës së sotme, do të publikohen të dhënat mbi inflacionin në Eurozonë për tetorin dhe mbi Prodhimin e Brendshëm Bruto për tremujorin e tretë të vitit.

Në rajonin e Azi-Paqësorit, shumica e tregjeve u mbyllën në rritje. Në fokus të tregjeve do të jenë edhe fitimet tremujore të korporatave. Gjatë javës së kaluar, Amazon, Meta dhe Alphabet raportuan fitime që rezultuan poshtë parashikimeve të tregjeve dhe për këtë arsye, aksionet e tyre ranë ndjeshëm.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.