Caktohen çmimet e energjisë për bizneset – Vendimi, për 2023-in klientët në 20, 10 dhe 6 KV do e paguajnë 18.26 lekë/kWh

Çmimet e energjisë për bizneset e liberalizuar lidhur në tensionin 20, 10 dhe 6 KV për vitin 2023 do të jetë 18.26 lekë/kWh.

Enti Rregullator i Energjisë përcaktoi tarifat vjetore për këtë kategori klientësh, që aktualisht furnizohen nga OSHEE, nën rolin  e Furnizuesit të Mundësisë së Fundit, për shkak për mos ndryshimit të komponentëve përbërës së formulës.

Ndërkaq, sa i takon bizneseve të lidhur në tensionin 35 KV, çmimi do të vijojë të caktohet çdo muaj për shkak të ndikimit nga kursi i euros, teksa për muajin janar kjo kategori do të faturohet me 32.27 lekë/kWh.

Në total janë rreth 7800 biznese që preken nga ky vendim.

Ola Mitre/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.