CEFTA lehtëson eksportin nëpërmjet zbatimit të rregullave kalimtare që nga 1 shkurti!

Agjencia Shqiptare e Zhvillimit të Investimeve (AIDA), njofton së nga data 1 shkurt 2023, palët e CEFTA- s do të fillojnë zbatimin e rregullave kalimtare për origjinën preferenciale të mallrave, krahas rregullave të Konventës Pan-Euro-Mesdhetare (PEM).

Sipas njoftimit për media rregullat e reja do të jenë më fleksibël, duke synuar reduktimin e kostove administrative, thjeshtuar sistemin, thjeshtuar përcaktimin e origjinës së mallrave, të cilat do të lehtësojnë më tej tregtinë në CEFTA dhe me BE-në,  si edhe mundësojnë kompanive të bëhen më konkurruese në këto tregje.

“Duke zbatuar rregullat e rishikuara, më fleksibël dhe moderne, palët do të jenë në gjendje të rrisin konkurrencën e tyre të eksportit. Rregullat kalimtare për origjinën e mallrave thjeshtojnë sistemin, thjeshtojnë përcaktimin e origjinës së mallrave dhe lehtësojnë më tej tregtinë në CEFTA dhe me BE”, shpjegoi drejtori i Sekretariatit të CEFTA-s, Emir Djikic.

Rregullat e reja parashikojnë disa thjeshtëzime, duke përfshirë:

• Rregulla më fleksibël dhe më të thjeshta të produktit;
• Rregulla më fleksibël të tolerancës: Rritja e pjesës së materialeve jo preferenciale në produktet e gatshme nga 10% në 15% në bazë të peshës neto për produktet bujqësore, ndërsa për produktet industriale (përveç tekstilit) toleranca vendoset në 15% e materialeve jo origjinuese bazuar në çmimin ex-works të produktit final;
• 1 ose deklarata e origjinës do të jetë një lloj i vetëm i vërtetimit të origjinës dhe do të mjaftojë për një periudhë për 10 muaj në vend të 4 muajve;
• Parashikohen gjithashtu opsionet për të rënë dakord për aplikimin e një sistemi të eksportuesve të regjistruar dhe për të rënë dakord për përdorimin e vërtetimit të origjinës që lëshohet dhe/ose dorëzohet në mënyrë elektronike.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.