Centralet e energjisë, “në dorë” të ministrit Pr.ligji/ Ndryshojnë rregullat për mbështetjen nga shteti. Kontrata, jo detyrimisht 15 vjet

Projektligji “Për nxitjen e përdorimit të energjisë nga burimet e rinovueshme”, që është nxjerrë për konsultim publik nga Ministria e Infrastrukturës dhe Energjisë parashikon një sërë ndryshimesh, në drejtim të masave të mbështetjes për centralet prodhues të energjisë së rinovueshme, ndërkohë që referuar dokumentit kushtet e kontratës së mbështetjes i lihen në dorë ministrit.

Më konkretisht, drafti i nxjerrë për konsultim përcakton se modelet e kontratave për mbështetje do të miratohen nga Enti Rregullator i Energjisë, por në një proces konkurrues, ministri mund të bëjë ndryshime në kontratë për kushtet e mbështetjes.

Ndërkaq, projektligji parashikon 3 lloje mbështetjesh e më konkretisht: Marrëveshje për Blerje të Energjisë; Kontratë për diferencën ose Kontratë për Prim, ndërkohë që me ligji aktual parashikon vetëm kontratën për diferencë. Paralelisht, drafti nuk specifikon afate konkrete mbi kohëzgjatjen e mbështetjes.

Më specifikisht, në dokument thuhet se kontratat për mbështetje përgjithësisht kanë një kohëzgjatje prej 15 vjetësh, ccka nënkupton se ato mund të kenë një kohëzgjatje më të shkurtër ose më të gjatë se 15 vjet. Ndërkohë që, ligji aktual përcakton se këto kontrata duhet të kenë një kohëzgjatje prej 15 vitesh. Paralelisht, ligji i ri i hap rrugë mbështetjes edhe për centralet e vegjël që prodhojnë energji të rinovueshme.

Deri më tani mbështetja sipas kontratës për diferencë nuk zbatohej për prodhuesit me përparësi:  me kapacitet të instaluar të energjisë elektrike deri në 2 MË dhe me kapacitet të instaluar të energjisë elektrike deri në 3 MË për energjinë e erës. Ndërkohë që, me ndryshime e propozuara, ky nen është hequr tërësisht, teksa paralelisht i hapet rruga edhe mbështetjes së projekteve demonstruese.

Ola Mitre / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.