Çfarë janë bankat e ngrohta, ku njerëzit shkojnë për t’i shpëtuar të ftohtit?!

Mijëra banka të ngrohta janë ngritur në mbarë Mbretërinë e Bashkuar duke u ofruar njerëzve një hapësirë ku ata mund të shpëtojnë nga shtëpitë e ngrira.

Krahas një hapësire të nxehtë, ato ofrojnë supë të ngrohtë, çaj, kafe dhe biskota tradicionale për këdo që vjen në qendër. Ekziston edhe një projeksion në murin e pasmë të një zjarri të madh kërcitës, për të përforcuar mesazhin e ngrohtësisë.

Banka e ngrohtë është një dëshmi e zymtë e ndikimit të rëndë të krizës së kostos së jetesës në Britani. Moti dimëror goditi për herë të parë javën e kaluar, me pjesë të mëdha të vendit të mbuluara me borë dhe akull pasi temperaturat ranë shumë nën zero. Për disa, moti dimëror ishte një kënaqësi festive. Për të tjerët, një burim frike.

Faturat e energjisë në Britani janë rritur me më shumë se 80% këtë vit, një nga normat më të larta në Europë, duke i detyruar njerëzit të bëjnë zgjedhje të pamundura midis ngrohjes së shtëpive apo ngrënies, sipas ekspertëve.

Dhe parashikohet të përkeqësohet. Rreth 8.4 milionë familje britanike do të jenë në varfëri të karburantit nga prilli 2023, sipas National Energy Action. Ideja e një hapësire ku njerëzit mund të shpëtonin nga shtëpitë e ftohta ishte pothuajse e panjohur disa muaj më parë. Por tani ato janë të vendosura në të gjithë qytetet dhe zonat e Britanisë.

Janë gati 3,400 banka të ngrohta që janë pjesë e Warm Welcome, një rrjet organizatash komunitare, të tilla si kisha, biblioteka dhe biznese, që u ofrojnë njerëzve pushim nga i ftohti.

Rritja e kostove të jetesës gjatë vitit 2002 e ka rritur këtë shifër, mes raporteve nga drejtuesit në mbarë Anglinë për fëmijët që mund të përballojnë koston e drekës.

Qeveria britanike thotë se po i ndihmon njerëzit të kalojnë krizën e kostos së jetesës, duke u ofruar familjeve pagesa në para për të ndihmuar me faturat e tyre të energjisë dhe duke ofruar ushqime falas në shkollë për miliona fëmijë.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.