ChatGPT dhe pikëpyetjet rreth tij – Aplikacioni i softuerëve i krijuar për të imituar biseda të ngjashme me njeriun

ChatGPT i Inteligjencës Artificiale të Hapur, është një aplikacion softuerësh i krijuar për të imituar biseda të ngjashme me njeriun, bazuar në kërkesat e përdoruesit. Ai mund të prodhojë prozë ose poezi me komandë dhe është shembulli kryesor i një teknologjie të Inteligjencës Artificiale që vitin e kaluar fitoi vëmendje të gjerë në Silicon Valley.

OpenAI me bazë në San Francisko e bëri të disponueshëm chatbot – in për testim publik falas në nëntor 2022. Sipas Sam Altman, bashkëthemelues dhe administrator i OpenAI, brenda një jave nga zbulimi i ChatGPT, mbi një milion përdorues ishin përpjekur ta bënin mjetin të fliste.

Të hënën e 23 janarit Microsoft Corp njoftoi një investim të mëtejshëm shumë miliardë dollarësh në OpenAI, duke thelluar lidhjet me startup-in dhe duke krijuar terrenin për më shumë konkurrencë me rivalin e Alphabet Inc, Google.

ChatGPT përdor të ashtuquajturën Inteligjencën Artificiale gjeneruese, teknologji që mund të mësojë nga të dhënat se si të krijojë pothuajse çdo lloj përmbajtjeje thjesht nga një mesazh tekst.

OpenAI thekson se modeli i tyre ChatGPT, i trajnuar duke përdorur një teknikë të mësimit të makinerive të quajtur Përforcimi i Mësimit nga ‘Human Feedback’, mund të simulojë dialogun, t’u përgjigjet pyetjeve vijuese, të pranojë gabime, të sfidojë premisat e pasakta dhe të refuzojë kërkesat e papërshtatshme.

Teknika në vetvete nuk është një koncept i ri, sipas Tim Scarfe nga kompania teknologjike XRAI, me shembujt e parë që datojnë në vitet 1990. Ai shpjegoi se versionet e hershme kishin rrjete nervore shumë të vogla. Dhe që atëherë, rrjetet nervore janë bërë më të mëdha, janë thelluar. Ata janë trajnuar për një sasi gati të pafundme të dhënash. Dhe sigurisht, ka ndodhur një revolucion kompjuterik ndërkohë. Pra aktualisht ka një sasi të ekzagjeruar të fuqisë llogaritëse për të trajnuar këto modele mbi shumë të dhëna.

Zhvillimi fillestar përfshinte trajnerë njerëzorë të Inteligjencës Artificiale që i siguronin modelit biseda në të cilat ata luanin nga të dyja palët – përdoruesi dhe një asistent i IA. Versioni i robotit i disponueshëm për testim publik përpiqet të kuptojë pyetjet e parashtruara nga përdoruesit dhe reagon me përgjigje të thella që ngjajnë me tekstin e shkruar nga njeriu në një format bisede.

Një mjet si ChatGPT mund të përdoret në aplikacione të botës reale si marketingu dixhital, krijimi i përmbajtjes në internet, përgjigjja e pyetjeve të shërbimit ndaj klientit, madje edhe për të ndihmuar në korrigjimin e kodit. Bot mund t’i përgjigjet një game të madhe pyetjesh duke imituar stilet e të folurit njerëzor.

Andrew Patel nga kompania e sigurisë kibernetike me bazë në Helsinki, ËithSecure e cilësoi si një magji. Ai shtoi se kjo është hera e parë që publiku ka marrë situatën në dorë dhe ka filluar të luajë me ‘të. Si dhe mund të shohë se çfarë mund të bëjë. Dhe kjo është e rëndësishme sepse këto modele do të integrohen shumë shpejt në softuerin e përditshëm që përdorim aktualisht.

Por dhe ChatGPT krijon dyshime. OpenAI ka pranuar tendencën e mjetit për t’u përgjigjur me “përgjigje të tingëlluara, por të pasakta ose të pakuptimta”, një çështje që e konsideron të vështirë për t’u rregulluar, të paktën për momentin.

Teknologjia e Inteligjencës Artificiale gjithashtu mund të përjetësojë paragjykimet shoqërore si ato rreth racës, gjinisë dhe kulturës. Gjigantët e teknologjisë, përfshirë Google dhe Amazon.com të Alphabet Inc, kanë pranuar më parë se disa nga projektet e tyre që eksperimentuan me IA ishin “etikisht të rreme” dhe kishin kufizime. Në disa kompani, njerëzit duhej të ndërhynin dhe të rregullonin kaosin e krijuar nga Inteligjenca Artificiale.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.