Cila do të jetë e ardhmja e Mario Draghi? – Hipotezat për të ardhmen dhe detyrat e mundshme

Mario Draghi largohet nga Pallati Kryeministror pas njëzet muajsh qeverisje që kanë lënë gjurmë në Itali dhe jashtë saj, por nuk ka menduar ende për të ardhmen e tij. Ndoshta gjëja e parë që duhet bërë duhet të jetë të pushojë pak, thonë me shaka bashkëpunëtorët e tij më të afërt. Sigurisht, të paktë janë ata që mund ta shohin Draghin të kujdeset për nipërit e mbesat si çdo pensionist tjetër.

Edhe nëse gjyshi virtual i Italisë nuk duket se e ka menduar seriozisht të ardhmen, disa role kyçe nuk I mungojnë duke filluar nga roli i guvernator nderi të Bankës së Italisë. Por, ka edhe nga ata që janë të bindur se ai do të rikthehet të jetë professor.

Pasioni për akademinë, kontakti me të rinjtë, mësimdhënia e kanë magjepsur gjithmonë. Dhe sigurisht që do të rihapë axhendën e kontakteve të tij rëndësishëm ndërkombëtarë, rrjetin e tij të përbërë nga takime, nisma dhe projekte me personalitete të klasit botëror. Në sfond, disa hipoteza që do ta shihnin, herët a vonë, në një tjetër rol institucional.

Në shtator 2023, për shembull, do të përfundojë mandate I Jens Stoltenberg, sekretarit aktual të përgjithshëm të NATO-s. Pasi ka qenë kreu i qeverisë në Itali, Mario Draghi tani do të kishte të gjithë kredencialet e duhura për të zënë vendin e tij, thuhet në qarqet politike dhe ekonomike. Gjithashtu në Bruksel, shumë do të donin që Mario Draghi të jetë president i Komisionit të BE-së: mandati i Ursula von der Leyen do të përfundojë më 31 tetor 2024. Në të njëjtat qarqe, ka ende zëra për të ardhmen në Presidencë. Fakti mbetet se periudha e dytë shtatëvjeçare e Sergio Mattarella-s sapo ka filluar. Dhe kohët për zgjedhjen e Presidentit të ri të Republikës, pa surpriza, janë shumë të gjata.

Më realiste, në letër, emërimi i tij si senator i përjetshëm, siç pëshpëritet në disa ambiente të politikës. Por fakti është se përtej dëshirave dhe supozimeve të të tjerëve, për ish-kryeministrin, përveç faktit që është gjithmonë dhe në çdo rast rezervë e Republikës, e ardhmja e punës duhet vlerësuar dhe ndërtuar.

Ndërkohë, pas kalimit të ziles te kryeministrja e re Giorgia Meloni dhe pasi mori përshëndetjet e punonjësve të Pallatit Kryeministror, Draghi mbërriti në qytetin Pieve, ku kalonte gjithmonë periudha të gjata kur nuk merrej me detyra profesionale. Vila në periferi të qendrës historike është blerë nga Draghi gati njëzet vjet më parë dhe që atëherë ka qenë një pikë referimi konstante, aq sa banorët e konsiderojnë tashmë ish-kryeministrin “një prej tyre”. Edhe në këto njëzet muaj në të cilët ka mbajtur postin e kryeministrit, Draghi ka vazhduar gjithmonë të ndahet mes Romës dhe qytetit Umbrian.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.