Cilat janë efektet e kontrollit fizik të mjeteve me “Easy Check”? – Toska: Me këtë shërbim do minimizohet trafiku dhe aksidentet gjatë transportit

Diamila Leka/ SCAN

“Drejtoria e Përgjithshme e Shërbimeve të Transportit Rrugor, ka një lehtësi e cila quhet “Easy Check”, që do të thotë kontrolli fizik i mjeteve për të gjithë ata koncensionarë që tregtojnë mjete dhe ky kontroll do të zhvillohet në vendin ku tregtohen dhe ku zhvillohet biznesi.

Arbër Toska Përgjegjës sektori për identifikimin e mjeteve, DPSHTRR:

“Shërbimi easy check është një shërbim fleksibël dedikuar në ndihmë të biznesit. Ai i ofrohet të gjithë subjekteve dhe koncensionarëve që kanë flota mjetesh të rënda, të veçanta, të shumta në numër, duke mundësuar kryerjen e kontrollit fizik në ambientet e subjektit prej specialistëve të DPSHTRR, pa qenë nevoja që mjetet të paraqiten pranë drejtorive rajonale. Ky shërbim ofrohet vetëm nga DRSHTRR Tiranë dhe Durrës. Pasi të plotësohet dhe dërgohet formulari me të dhënat e subjektit dhe të mjeteve të cilat i nënshtrohen kontrollit fizik minimalisht prej 5 mjetesh subjekti do të kontaktohet me telefon nga stafi i DPSHTRR për përcaktimin e datës dhe orarin e kryerjes së kontrollit fizik”.

Por për t’u ndalur në efektet e easy check, cilat do të jenë ato?

“Kursim kohe, kursim shpenzimesh karburanti, lehtësimi i trafikut në qarkullimin rrugor, dhe minimizimi i rriskut të aksidenteve gjatë transportit të mjeteve në drejtoritë rajonale”

Sipas Toskës kjo procedurë do lehtësojë radhët e makinave të cilat do të paraqiten për kontroll fizik si dhe nga ana tjetër, do të menaxhojë fluksin e tyre.

“Duke qenë se minimum i mjeteve është 5, kjo do të ketë impakt të konsiderushëm në fluksin e mjeteve që paraqiten për kontroll. Kosto e këtij shërbimi “Easy Check” është 1000 lekë kosto shtesë për çdo mjet.”

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.