Çmimet e gazit natyror në Europë nisin rritjen – Pasi temperaturat po bien në nivelet normale për sezonin

Ka mjaftuar parashikimi se ditëve të fundit të të nxehtit po i vjen fundi dhe dhjetori do të jetë i ftohtë, i shoqëruar me mbylljen e prodhimit në disa objekte të rëndësishme, për të rikthyer rritjen e çmimit të gazit natyror.

Në tregun e Amsterdamit kontratat e së ardhmes për dorëzim në dhjetor, të cilat janë edhe çmimi i referencës për të gjithë Europën dje u rritën me 6.9%, duke arritur në 134.49 euro për megavatorë që herët në mëngjes dhe gjatë seancës u regjistrua një rritje prej 10%. Kontratat përkatëse në tregun britanik u rritën me 9.2%.

Kështu, përfundoi një pauzë që tregu kishte përjetuar së fundmi me rënien e çmimit të karburanteve, pasi kjo ishte pjesërisht për shkak të mbushjes së rezervuarëve të Europës, por edhe motit të nxehtë. Rritja e çmimeve sugjeron që me një ftohje të papritur, ose një reduktim të furnizimit me energji, Kontinenti i Vjetër do të përdorë menjëherë rezervat e tij dhe ndoshta do të detyrohet të vendosë racionimin e gazit natyror.

Një faktor përcaktues që e shtyu çmimin e gazit në rritje ishte lajmi se temperaturat kanë filluar të bien gradualisht në nivelet normale për sezonin në disa zona të Europës Perëndimore, mes tyre Franca dhe Britania. Në të njëjtën kohë, tendencat rritëse u forcuan nga fakti se dy fusha gazi në Norvegji njoftuan papritur një reduktim të prodhimit, që nuk ishte planifikuar. Megjithatë, sasia e gazit natyror që rrjedh nga vendi nordik në BE pritet të mbetet përgjithësisht e qëndrueshme.

Në të njëjtën kohë, Energy Scan, platforma e analizës së kompanisë energjetike Engie, raportoi një rënie të prodhimit të energjisë së erës në Gjermani.

Sipas analistëve të tregut, çmimet po rriten pasi Europa përsëri duket se do të përballet me konkurrencë të ashpër nga ekonomitë aziatike në përpjekjen e saj për të siguruar burimet e energjisë. Tregtarët po vëzhgojnë nga afër ndryshimet në kërkesë nga Azia dhe veçanërisht në Kinë, industritë e gazit të së cilës po parashikojnë ulje të furnizimit dhe çmime më të larta këtë dimër.

Shërbimi meteorologjik i Kinës parashikon se temperaturat në ekonominë e dytë më të madhe në botë do të jenë në nivele normale, ose mbi normale për periudhën dhjetor-shkurt në pjesën më të madhe të vendit. Por, siç theksojnë vëzhguesit e tregut, një rritje e papritur e kërkesës për gaz dhe blerjet nga ekonomia aziatike do të intensifikojë konkurrencën për ngarkesat me gaz natyror të lëngshëm duke rritur çmimet për Europën.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.