Çmimi i naftës në tregjet globale rritet 3% – Pas njoftimeve për një ulje të mundshme të prodhimit nga vendet e OPEC+
Çmimet e naftës u rritën me mbi 3% të hënën, pasi OPEC+ konsideron uljen e prodhimit me më shumë se 1 milion fuçi në ditë, në një përpjekje për të mbështetur tregun. Kontratat e së ardhmes së naftës së papërpunuar Brent u rritën me 2,36 dollarë, në 87,50 dollarë për fuçi, ndërsa nafta e papërpunuar e Teksasit Perëndimor u rrit me 2.9%, në 81.76 dollarë për fuçi.
Çmimet e naftës kanë rënë për katër muaj rresht që nga qershori, pasi bllokimet e COVID-19 në konsumatorin kryesor të energjisë, Kinë ulën kërkesën, ndërsa rritja e normave të interesit dhe forcimi i dollarit amerikan ndikuan në tregjet financiare globale.
Organizata e Vendeve Eksportuese të Naftës dhe aleatët e saj, një grup i njohur si OPEC+, po konsiderojnë një ulje të prodhimit prej më shumë se 1 milion fuçi në ditë në takimin e së mërkurës. Nëse vendet bien dakord, do të jetë shkurtimi i dytë mujor radhazi i grupit pas reduktimit të prodhimit me 100,000 fuçi në ditë muajin e kaluar.
Ndërkohë, Kina të premten hodhi në treg kuotën e saj më të madhe për eksportet e produkteve të naftës këtë vit dhe plotësoi kuotat e importit të papërpunuar për përpunuesit e pavarur. Rafineritë shtetërore dhe private mund të eksportojnë deri në 15 milionë ton benzinë, naftë, karburant avioni dhe naftë me squfur të ulët, duke shtuar furnizimet shumë të nevojshme në tregjet globale për të zëvendësuar eksportet ruse.
Indeksi i dollarit ra për të katërtën ditë radhazi të hënën, pasi arriti kulmin e tij në dy dekada. Një dollar më i lirë mund të rrisë blerëjet e naftës për ato vende që përdorin monedha të tjera.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.