Deklarimet e biznesit shtyhen në janar 2028 – Në vitin e ardhshëm pasqyrat financiare detyrohen të përkthehen në gjuhë të huaj
Në Fletoren zyrtare ka hyrë në fuqi ligji për kontabilitetin dhe pasqyrat financiare, nga ku parashikohet shtyrja e detyrimeve deri në 1 janar 2028. Ndonëse mund të duket si një masë lehtësuese për bizneset në barrën burokratike, ekspertët e shohin të paqartë në mënyrën e zbatimit.
Eduart Gjokutaj, ekspert ekonomie u shpreh se: “Duhet menduar për edukim fiscal dhe financiar të bizneseve në momentin që t’i i jep një lehtësi të tillë i bën më të painteresuar përsa i përket mënyrës se si ata mbajnë marrdhënie raportimi apo dhe marrdhënie e tyre të brendshme financiare. Dhe shkëput një pjesë të mirë të bizneseve që nuk janë pak por janë rreth 75-80% nga pjesa se si të edukojnë për llogaritë e tyre”.
Ndonëse bizneset ndihmohen por në strukturat tatimore si do ndikoj ky ndryshim?
Në janar të vitit 2024 bizneset duhet të përkthejnë pasqyrat e tyre financiare në gjuhë të huaj. Kjo pasi duhet të përafrohen me standardet e Bashkimit Europian.
Diamila Leka / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.