Dëmet nga makinat e pasiguruara, ku duhet të trokisni – Kreu i Byrosë Shqiptare të Sigurimeve: Ligji i ri i dha zgjidhje, paguhen brenda afateve
Ligji i ri i sigurimeve, që po zbatohet prej një viti e gjysmë, ka dhënë impakt të drejtpërdrejtë sa i përket aksidenteve të shkaktuara nga makinat e pasiguruara si dhe rastet që mbulohen nga kartoni jeshil.
Në një intervistë ekskluzive për Televizionin SCAN, Drejtoresha e Byrosë Shqiptare të sigurimeve Anila Hoxha thotë se 87% e këtyre dëmeve janë paguar përmes praktikës së siguruesit të drejtpërdrejtë, si një nga risitë e ligjit, ku i dëmtuari në një aksident të shkaktuar nga një mjet i pasiguruar ose i paidentifikuar e ka kërkuar dëmshpërblimin te shoqëria e tij e sigurimit.
Zgjidhja e problemit të aksidenteve nga mjetet e pasiguruara si dhe të Kartonit jeshil solli edhe daljen e shqipërisë nga statusi nën monitorim ku qe vendosur prej rreth 10 vitesh nga Këshilli i Byroreve.
Lorenc Rabeta / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.