Dëshironi të zhvendoseni në Europë? – Vendet e BE-së që mirëpresin më shumë dhe më pak qytetarët e rinj!

Vendet e BE-së dhanë një numër rekord shtetësish në vitin 2021, tregojnë shifrat e reja. Një total prej 827,300 personash morën nënshtetësinë në vendet anëtare të BE-së në vitin 2021 – një rritje prej 98,300 në vitin 2020. Kërcimi prej 14 % mund t’i atribuohet pjesërisht një ngecjeje të epokës së pandemisë, por gjithashtu pasqyron një prirje rritëse në vitin 2019, kur u dhanë 706,400 shtetësi të reja. 85 % e qytetarëve të rinj nuk kanë qenë më parë shtetas të një vendi tjetër të BE-së.

Cilat vende janë më të lehta dhe më të vështirat për të marrë nënshtetësinë?

Në vitin 2021, Suedia dha 10 shtetësi për 100 joshtetas rezidentë – shkalla më e lartë e natyralizimit në bllok. Suedia u pasua nga Holanda (5.4 shtetësi për 100 banorë joshtetas), Rumania (4.6), Portugalia (3.7) dhe Belgjika dhe Spanja (të dyja 2.7).

Në disa pjesë të Europës, marrja e shtetësisë është e pazakontë, madje edhe për njerëzit që kanë jetuar atje prej vitesh. Lituania dha vetëm 0.2 shtetësi për 100 banorë joshtetas, e ndjekur nga Letonia (0.3), Estonia (0.5) dhe Çekia, Kroacia dhe Sllovakia (të gjithë 0.7).

Rregullat e emigracionit ndryshojnë ndjeshëm nga vendi në vend. Në Austri, për shembull, ju duhet të jeni rezident për të paktën një dekadë përpara se të keni të drejtë për nënshtetësinë – dhe duhet të mësoni të flisni gjermanisht në një standard të shkollës së mesme.

Kush janë qytetarët e rinj të BE-së?

Shumica e qytetarëve të rinj të Europës vijnë nga Maroku dhe Siria. 86,200 marokenëve iu dha shtetësia e BE-së në BE, duke përbërë 10.4 % të qytetarëve të rinj. Më shumë se dy të tretat (71 %) e këtyre njerëzve u bënë shtetas në Spanjë ose Francë.

Sirianët janë grupi tjetër më i madh i qytetarëve të rinj (83,500, 70 % e të cilëve janë vendosur në Suedi dhe Holandë), dhe shqiptarët (32,300, 70 % e të cilëve janë vendosur në Itali). Shqiptarët u pasuan nga rumunët (3.5 % e totalit), turqit (3.1 %), brazilianët (2.5 %), algjerianët (2.3 %) dhe ukrainasit (2.2 %). Mosha mesatare e qytetarëve të rinj në BE ishte 32 vjeç. Rreth një e katërta ishin fëmijë nga 0 deri në 14 vjeç.

Cilat vende kanë dhënë më shumë shtetësi në vitin 2021?

Spanja dha numrin më të madh të shtetësive të reja në vitin 2021, duke mirëpritur 144,800 banorë të rinj. Vendi u ndoq nga afër nga Franca dhe Gjermania (130,000 qytetarë të rinj secila), Italia (121,500) dhe Suedia (89,400). Të bëhesh qytetar mund të jetë një proces i gjatë dhe i mundimshëm – por nuk është po aq i vështirë në të gjithë bllokun.

Nëse jeni i pasur, disa vende ofrojnë shtetësi sipas skemave të investimeve. Njerëzit që blejnë një pronë në Greqi me vlerë më shumë se 500,000 euro mund të aplikojnë për shtetësi shtatë vjet më vonë – për sa kohë që ata kanë jetuar atje gjatë asaj kohe dhe kanë paguar taksat. Në Maltë, ju mund të merrni nënshtetësinë përmes investimit në vetëm 18 muaj, me kusht që të merrni 700,000 euro pasuri të paluajtshme. Shumica e njerëzve bëhen qytetarë përmes rrugës më konvencionale të natyralizimit – të jetuarit dhe punës në vend për disa vite.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.